'ക്വട്ടേഷൻ ബന്ധം അന്വേഷിക്കണം'; പി.ജയരാജനെതിരെ പരാതി പ്രളയം

തിരുവനന്തപുരം: ഇ.പി ജയരാജനെതിരെ സാമ്പിത്തക ആരോപണം ഉന്നയിച്ചതിന് പിന്നാലെ പി. ജയരാജനെതിരെ സി.പി.എം കേന്ദ്ര സംസ്ഥാന നേതൃത്വത്തിന് ലഭിച്ചത് നിരവധി പരാതികൾ. ക്വട്ടേഷൻ ബന്ധം അന്വേഷിക്കണമെന്നാണ് പ്രധാന ആവശ്യം. കണ്ണൂർ കേന്ദ്രീകരിച്ചുള്ള സ്വർണക്കടത്ത് ക്വട്ടേഷൻ സംഘവുമായി ജയരാജന് ബന്ധമുണ്ടെന്നാണ് പരാതിയിൽ പറയുന്നത്.

തെരഞ്ഞെടുപ്പ് ഫണ്ട് വെട്ടിച്ചെന്നും പരാതിയുണ്ട്. വടകര ലോക്‌സഭാ സീറ്റിൽ മത്സരിക്കുമ്പോൾ പിരിച്ച തുക മുഴുവൻ പാർട്ടിക്ക് അടച്ചില്ലെന്നാണ് പരാതി. സംസ്ഥാനത്തിന്റെ വിവിധ മേഖലയിൽനിന്നുള്ള പാർട്ടി പ്രവർത്തകരാണ് പരാതി നൽകിയിരിക്കുന്നത്.

ഇ.പി ജയരാജനെതിരെ സി.പി.എം സംസ്ഥാന കമ്മിറ്റി യോഗത്തിൽ പരാതി ഉന്നയിച്ചതിന് പിന്നാലെയാണ് പി. ജയരാജനെതിരെയും പരാതി ഉയരുന്നത്. അതേസമയം ഇ.പി ജയരാജനെതിരായ പരാതി അന്വേഷിക്കാനുള്ള ഉറച്ച നിലപാടിലാണ് സി.പി.എം നേതൃത്വം.