ആറ് വയസുകാരിയായ മകളുടെ കൂട്ടുകാരിയെ പിതാവ് ബലാത്സംഗം ചെയ്തു

ഹൈദരാബാദിലാണ് സംഭവം നടന്നത്

ആറ് വയസുകാരിയും മകളുടെ കൂട്ടുകാരിയുമായ പെണ്‍കുട്ടിയെ പിതാവ് ബലാത്സംഗം ചെയ്തു. ഹൈദരാബാദ്,മലാക്ക്പേട്ടില്‍ വ്യാഴാഴ്ച വൈകിട്ടാണ് സംഭവം. ഗാന്ധിനഗറില്‍ ദിവസവേതനത്തിന് ജോലി ചെയ്യുന്ന ശ്രീനിവാസ്(30) ആണ് ഈ ക്രൂരകൃത്യം ചെയ്തത്. സംഭവത്തില്‍ ശ്രീനിവാസിനെ പൊലീസ് അറസ്റ്റ് ചെയ്തു.

വ്യാഴാഴ്ച വൈകിട്ട് ഭാര്യയോട് വഴക്കിട്ട ശ്രീനിവാസ് മദ്യപിച്ച ശേഷം തൊട്ടടുത്ത വീട്ടില്‍ ഉറങ്ങിക്കിടക്കുകയായിരുന്ന മകളുടെ കൂട്ടുകാരിയെ ബലാത്സംഗത്തിന് ഇരയാക്കുകയായിരുന്നു. വെള്ളിയാഴ്ച രാവിലെയാണ് പെണ്‍കുട്ടിയുടെ പിതാവ് ഇക്കാര്യം അറിയുന്നത്. കരയുകയായിരുന്ന പെണ്‍കുട്ടിയോട് പിതാവ് കാര്യം തിരക്കിയപ്പോഴാണ് പീഡന വിവരം പുറംലോകമറിയുന്നത്. ഫുട്പാത്തില്‍ കച്ചവടം നടത്തുന്ന ആളാണ് ഇരയായ പെണ്‍കുട്ടിയുടെ പിതാവ്. പെണ്‍കുട്ടിയെ മെഡിക്കല്‍ പരിശോധനക്കായി ആശുപത്രിയിലേക്ക് മാറ്റിയിട്ടുണ്ട്. മൂന്നു മക്കളുടെ പിതാവ് കൂടിയാണ് ശ്രീനിവാസ്.