സെൻട്രൽ വിസ്ത നിർമാണത്തിന്റെ ചിത്രങ്ങൾ പകർത്തുന്നത് വിലക്കി

ഡൽഹിയിൽ പ്രധാനമന്ത്രിയുടെ പുതിയ വസതിയുൾപ്പെട്ട സെൻട്രൽ വിസ്ത നിർമാണത്തിന്റെ ചിത്രങ്ങൾ പകർത്തുന്നത് വിലക്കി. രാജ്പഥിലാണ് ചിത്രങ്ങൾ പകർത്തുന്നത് വിലക്കി ബോർഡുകൾ പ്രത്യക്ഷപ്പെട്ടത്.

അതേസമയം, പ്രധാനമന്ത്രിയുടെ പുതിയ വസതിയുൾപ്പെടുന്ന സെൻട്രൽ വിസ്ത അവന്യുവിന്റെ നിർമാണം കോവിഡ് മാനദണ്ഡങ്ങൾ പാലിച്ചാണെന്ന് കേന്ദ്ര സർക്കാർ ദൽഹി ഹൈക്കോടതിയെ അറിയിച്ചു. നിർമാണ പ്രവർത്തനങ്ങൾക്ക് നാനൂറോളം തൊഴിലാളികൾ എത്തിയത് ഡൽഹിയിൽ കർഫ്യു ഏർപ്പെടുത്തുന്നതിന് മുൻപാണെന്നും ഇവർ മാനദണ്ഡങ്ങൾ പാലിച്ച് നിർമാണ സ്ഥലത്ത് തന്നെയാണ് താമസിക്കുന്നതെന്നും കേന്ദ്രം പറഞ്ഞു.