എയർ ആംബുലൻസിൻന്‍റെ ചക്രം ഊരിത്തെറിച്ചു; 'ബെല്ലി ലാൻഡിങ്' നടത്തി ദുരന്തമൊഴിവാക്കി

രോഗിയുമായി പറന്നുപൊങ്ങുന്നതിനിടെ എയര്‍ ആംബുലന്‍സിന്‍റെ ചക്രം ഊരിത്തെറിച്ചു. നാഗ്​പൂരിൽനിന്നുള്ള​ രോഗിയെയും വഹിച്ച്​ പറന്നുപൊങ്ങുന്നതിനിടെയാണ് എയര്‍ ആംബുലന്‍സിന്‍റെ ചക്രം ഊരിത്തെറിച്ചത്. തുടര്‍ന്ന് മുംബൈ വിമാനത്താവളത്തിൽ ബെല്ലി ലാൻഡിങ്​ നടത്തി ദുരന്തമൊഴിവാക്കുകയായിരുന്നു.

കഴിഞ്ഞ ദിവസമാണ് സംഭവം നടന്നതെങ്കിലും അതിന്‍റെ വീഡിയോ സോഷ്യല്‍ മീഡിയയില്‍ വൈറലാകുകയാണ് ഇപ്പോള്‍. രാത്രി 9.09 ആണ് ലാന്‍റിംഗ് സമയം കാണിക്കുന്നത്. രണ്ട് ക്രൂ അംഗങ്ങളും രോഗിയും ബന്ധുവും ഒരു ഡോക്ടറുമാണ് ആംബുലന്‍സില്‍ ഉണ്ടായിരുന്നത്. ചക്രം ഊരിത്തെറിച്ചത്​ ശ്രദ്ധയിൽപെട്ട ഉടൻ മുംബൈ വിമാനത്താവളത്തിൽ വിളിച്ച്​ അടിയന്തര ലാൻഡിങ്ങിന് അനുമതി തേടുകയായിരുന്നു.

#Maharashtra: Air ambulance with a patient onboard made an emergency landing at the Mumbai airport last evening after losing a wheel during take-off from Nagpur. pic.twitter.com/6DKQffRFbW

— NDTV (@ndtv) May 7, 2021

ചക്രമില്ലാതെ ഇറങ്ങുന്നതിനാൽ വിമാനം ഉരസി തീപിടിക്കാനുള്ള സാധ്യത വളരെയേറെയാണ്. അതിനാല്‍ ആവശ്യമായ സുരക്ഷ മുൻകരുതൽ സ്വീകരിച്ചിരുന്നു. അമിത വേഗത്തിൽ നിലംതൊട്ട എയർ ആംബുലൻസ്​ ഏറെ ദൂരം റണ്‍വേയിലൂടെ ഓടിയ ശേഷമാണ് നിയന്ത്രിക്കാനും നിര്‍ത്താനുമായത്. യാത്രക്കാർ സുരക്ഷിതരായിരുന്നു.

ക്യാപ്​റ്റൻ കേസരി സിങ്ങിനെ മന്ത്രി ഹർദീപ്​ സിങ്​ പുരി അഭിനന്ദിച്ചു.

A Jet Serve Ambulance with a patient onboard lost a wheel during takeoff from Nagpur. Showing immense presence of mind Capt Kesari Singh belly landed the aircraft on foam carpeting in Mumbai. All onboard are safe. Commendable effort by @DGCAIndia @CSMIA_Official & other agencies. pic.twitter.com/aelehUB7DS

— Hardeep Singh Puri (@HardeepSPuri) May 6, 2021