''കര്ഷകരെ കാണാന് നേരമില്ല, പ്രധാനമന്ത്രി തെരഞ്ഞെടുപ്പ് പ്രചാരണത്തില്''
ഡല്ഹി അതിര്ത്തിയില് നടക്കുന്ന കര്ഷക സമരം കഴിഞ്ഞ ദിവസം നൂറ് ദിനം പിന്നിട്ടിരുന്നു.
ബംഗാളില് തെരഞ്ഞെടുപ്പ് പ്രചാരണവുമായി എത്തിയ പ്രധാനമന്ത്രിയെ വിമര്ശിച്ച് എന്.സി.പി നേതാവ് ശരദ് പവാര്. പ്രധാനമന്ത്രിക്ക് കൊല്ക്കത്തയില് പോകാന് നേരമുണ്ട്, എന്നാല് കര്ഷകരെ കാണാന് നേരമില്ലെന്ന് പവാര് കുറ്റപ്പെടുത്തി.
ഡല്ഹി അതിര്ത്തിയില് നടക്കുന്ന കര്ഷക സമരം കഴിഞ്ഞ ദിവസം നൂറ് ദിനം പിന്നിട്ടിരുന്നു. കര്ഷകരെ കേള്ക്കാന് സമയമില്ലാത്ത പ്രധാനമന്ത്രി ബംഗാളില് തെരഞ്ഞെടുപ്പ് പ്രചാരണത്തിലാണെന്ന് പറഞ്ഞ ശരദ് പവാര്, ബി.ജെ.പി രാജ്യത്ത് വര്ഗീയ വിഷം ചീറ്റുകയാണെന്നും കുറ്റപ്പെടുത്തി.
രാജ്യത്ത് സാഹോദര്യം വളര്ത്തേണ്ട ചുമതലയാണ് കേന്ദ്ര സര്ക്കാരിനുള്ളത്. എന്നാല് ബി.ജെ.പി വര്ഗീയ വിഷം വമിക്കുകയാണെന്നും പവാര് റാഞ്ചിയില് പറഞ്ഞു. ബംഗാളില് ബ്രിഗേഡ് പരേഡ് ഗ്രൗണ്ടിലാണ് പ്രധാനമന്ത്രി പ്രചാരണത്തിന് എത്തിയത്.
Next Story
Adjust Story Font
16