19 ഉപഗ്രഹങ്ങളുമായി പിഎസ്എല്‍വി സി 51 കുതിച്ചുയര്‍ന്നു

2021ലെ ഐഎസ്ആര്‍ഒയുടെ ആദ്യ ബഹിരാകാശ ദൌത്യത്തിന് തുടക്കം. ശ്രീഹരിക്കോട്ടയിലെ സതീഷ് ധവാന്‍ സ്പേസ് സെന്‍ററില്‍ നിന്നും പിഎസ്എല്‍വി സി 51 റോക്കറ്റ് വിജയകരമായി വിക്ഷേപിച്ചു. ഐഎസ്ആർഒയുടെ ആദ്യ സമ്പൂർണ വാണിജ്യ വിക്ഷേപണ ദൗത്യമാണ് പിഎസ്എല്‍വി സി 51.

ബ്രസീലിന്റെ ആമസോണിയ - 1 ഉള്‍പ്പെടെ 19 ഉപഗ്രഹങ്ങളുമായാണ് പിഎസ്എൽവി സി - 51 ഭ്രമണപഥത്തിലെത്തുക. വിക്ഷേപണം വിജയകരമെന്ന് ഐഎസ്ആർഒ അറിയിച്ചു. 637 കിലോഗ്രാം ഭാരമാണ് പേടകത്തിനുള്ളത്. ബഹിരാകാശ ഗവേഷണ മേഖലയില്‍ കൂടുതല്‍ വാണിജ്യ സാദ്ധ്യതകള്‍ കണ്ടെത്തുകയാണ് ലക്ഷ്യം.

ISRO launches PSLV-C51 carrying Amazonia-1 and 18 other satellites from Satish Dhawan Space Centre, Sriharikota pic.twitter.com/3bInFiKhje

— ANI (@ANI) February 28, 2021

എസ്‌ഡി സാറ്റ് എന്ന പേരിലുള്ള ഒരു ചെറിയ ഉപഗ്രഹത്തില്‍ പ്രധാനമന്ത്രി നരേന്ദ്ര മോദിയുടെ ഫോട്ടോ, ഭഗവത് ഗീതയുടെ ഇലക്‌ട്രോണിക് പതിപ്പ്, 25,000 ഇന്ത്യക്കാരുടെ പേരുകൾ എന്നിവ ഉള്‍പ്പെടുത്തിട്ടുണ്ട്. ഐഎസ്ആർഒ ചെയർപേഴ്‌സൺ ഡോ. കെ ശിവൻ, ശാസ്ത്ര സെക്രട്ടറി ഡോ. ആർ ഉമാ മഹേശ്വരൻ എന്നിവരുടെ പേരുകളും ഉപഗ്രഹത്തിന്റെ താഴത്തെ പാനലിൽ പതിച്ചിട്ടുണ്ട്.