സൗദിയിലെ സഞ്ചാരികളേ.. ഇതിലെ വരൂ.. കേൾക്കാം മാരിദ് കോട്ട പറയുന്ന കഥകൾ

അറേബ്യയുടെ പുരാതന ഭരണകാലത്ത് എല്ലാവരും നോട്ടമിട്ട ഇടമായിരുന്നു ദോമത്തുല്‍ ജന്ദല്‍. നിറയെ ജലസാന്നിധ്യമുള്ള ദോമ കീഴടക്കാനായി അക്കാലത്ത് രാജാക്കന്മാരും രാജ്ഞിമാരും മത്സരിച്ചിരുന്നു. പക്ഷേ, ഒരാള്‍ക്കും കീഴടക്കാനാകാതെ ദോമയെ സംരക്ഷിച്ചത് ഒരു കോട്ടയും കൊട്ടാരവുമാണ് . മൂന്നാം നൂറ്റാണ്ടില്‍ കരിങ്കല്ലുകളാല്‍ ശാസ്ത്രീയമായി നിര്‍മിച്ച ഈ കോട്ടയും കൊട്ടരാവും ഇന്നും സഞ്ചാരികള്‍‌ക്ക് വിസ്മയമായി സൌദിയിലുണ്ട്.