Top

സ്വകാര്യത നയത്തില്‍ മാറ്റമില്ല; അംഗീകരിച്ചില്ലെങ്കില്‍ അക്കൗണ്ട് നീക്കം ചെയ്യുമെന്ന് വാട്​സ്​ആപ്പ്

ഡല്‍ഹി ഹൈക്കോടതിയിലാണ് കമ്പനി നിലപാട് വ്യക്തമാക്കിയത്.

MediaOne Logo

Web Desk

  • Updated:

    2021-05-17 15:08:32.0

Published:

17 May 2021 3:08 PM GMT

സ്വകാര്യത നയത്തില്‍ മാറ്റമില്ല; അംഗീകരിച്ചില്ലെങ്കില്‍ അക്കൗണ്ട് നീക്കം ചെയ്യുമെന്ന് വാട്​സ്​ആപ്പ്
X

പുതിയ സ്വകാര്യതാ നയം അംഗീകരിക്കുന്നതിനായി ഉപയോക്താക്കൾക്ക്​ മെയ്​ 15 വരെ അനുവദിച്ചിട്ടുള്ള സമയപരിധി നീട്ടിയിട്ടില്ലെന്ന്​ മെസ്സേജിങ്​ ആപ്പായ വാട്​സ്​ആപ്പ്​. നയത്തിൽ യാതൊരുവിധ മാറ്റവുമില്ല. ഉപയോക്താക്കള്‍ നയം അംഗീകരിച്ചില്ലെങ്കില്‍ പതിയെ അവരുടെ അക്കൗണ്ടുകൾ നീക്കം ചെയ്യപ്പെടുമെന്നും വാട്​സ്​ആപ്പ്​ ഡൽഹി ഹൈക്കോടതിയെ അറിയിച്ചു.

വാട്ട്‌സ്ആപ്പി​ന്‍റെ പുതിയ സ്വകാര്യതാ നയത്തെ ചോദ്യം ചെയ്ത് സീമ സിങ്​, അഭിഭാഷകൻ മേഗൻ, നിയമ വിദ്യാർത്ഥി ചൈതന്യ റോഹില്ല എന്നിവർ സമർപ്പിച്ച ഹരജിയിലാണ് കോടതി വാദം കേട്ടത്. സ്വകാര്യതാ നയം പിൻ‌വലിക്കാനോ അല്ലെങ്കിൽ ഉപയോക്താക്കള്‍ക്ക് കമ്പനി കൊണ്ടുവന്ന പരിഷ്​കാരങ്ങൾ അംഗീകരിക്കാതിരിക്കാനോ ഉള്ള സൗകര്യം ഒരുക്കണമെന്നാണ് ഹരജിക്കാരുടെ ആവശ്യം. സ്വകാര്യതാ നയം അംഗീകരിച്ച ഉപയോക്താക്കൾക്ക് അതിൽ തീരുമാനം അറിയിക്കാൻ ഒരു അവസരം കൂടി നൽകണമെന്നും ഹരജിയില്‍ പറയുന്നു.

അതേസമയം, തങ്ങളുടെ തീരുമാനത്തിൽ മാറ്റമില്ലെന്ന്​ വാട്​സ്​ആപ്പ് നേരത്തെ തന്നെ അറിയിച്ചിരുന്നു. കമ്പനിയുടെ പദ്ധതികൾ ഉപേക്ഷിക്കാൻ ആവശ്യപ്പെട്ട് സർക്കാർ കത്തെഴുതിയിട്ടും അതിൽ നിന്ന്​ അവർ പിന്മാറിയിരുന്നില്ല.

മാതൃകമ്പനിയായ ഫേസ്​ബുക്കുമായി ഉപയോക്താക്കളുടെ സ്വകാര്യ വിവരങ്ങൾ കൈമാറുന്നത്​ അംഗീകരിക്കാനാണ്​ വാട്സ്ആപ്പ് പറയുന്നത്​. 2014ൽ വാട്​സ്​ആപ്പ്​ ഫേസ്​ബുക്കിന്‍റെ ഭാഗമായ ശേഷം സമാനമായി വിവരങ്ങൾ ഫേസ്​ബുക്കുമായി കൈമാറുമെന്ന്​ അറിയിച്ചിരുന്നു. ചില വിവരങ്ങൾ അന്നുമുതൽ കമ്പനി കൈമാറുന്നുമുണ്ട്.

TAGS :
Next Story