കോഴിക്കോട്ട് സ്ഫോടക വസ്തു പൊട്ടിത്തെറിച്ച് സിപിഎം പ്രവർത്തകൻ്റെ കൈപ്പത്തി തകർന്നു; ബോംബ് നിർമാണത്തിനിടെയെന്ന് യുഡിഎഫ്

കോഴിക്കോട്: കോഴിക്കോട് വടകര വില്ല്യാപ്പള്ളിയിൽ സ്ഫോടക വസ്തു പൊട്ടിത്തെറിച്ച് സിപിഎം പ്രവർത്തകൻ്റെ കൈപ്പത്തി തകർന്നു. വില്ല്യാപ്പള്ളി മാനംതല യദുദേവിനാണ് പരിക്കേറ്റത്. ബോംബ് നിർമാണത്തിനിടെയാണ് പൊട്ടിത്തെറി ഉണ്ടായതെന്ന് യുഡിഎഫ് ആരോപിച്ചു.

പ്രദേശത്ത് യുഡിഎഫ് പ്രതിഷേധ പ്രകടനം നടത്തി. പടക്കം പൊട്ടിച്ചതിനിടെയുണ്ടായ അപകടമെന്നാണ് പൊലീസ് പറയുന്നത്. കൈപ്പത്തിക്ക് ഗുരുതര പരിക്കേറ്റ യദു കോഴിക്കോട് മെഡിക്കൽ കോളജിൽ ചികിത്സയിലാണ്.