റഷ്യയെ ഞെട്ടിച്ച് യുക്രൈന്‍റെ ഡ്രോൺ ആക്രമണം; പ്രത്യാക്രമണത്തിൽ തകർന്ന് ലക്ഷ്മി മിത്തലിന്‍റെ സ്റ്റീൽ പ്ലാന്‍റ്, ഭാഗികമായി പൂട്ടി

കിയവ്: മോസ്കോയെ ഞെട്ടിച്ച് യുക്രൈന്‍റെ ഡ്രോണാക്രമണം. ഞായറാഴ്ച യുക്രൈൻ റഷ്യയിലുടനീളം നടത്തിയ നൂറുകണക്കിന് ആക്രമണങ്ങളിൽ കുറഞ്ഞത് ആറ് പേര്‍ കൊല്ലപ്പെട്ടു. യുദ്ധം ആരംഭിച്ചതിന് ശേഷമുള്ള ഏറ്റവും വലിയ ഡ്രോൺ ആക്രമണങ്ങളിലൊന്നാണിത്. തൊട്ടുപിന്നാലെ റഷ്യ തിരിച്ചടിച്ചു.

കഴിഞ്ഞ രണ്ട് വർഷത്തിനിടെ റഷ്യൻ തലസ്ഥാനത്ത് നടന്ന ഏറ്റവും വലിയ വ്യോമാക്രമണമാണിതെന്ന് മോസ്കോ മേയർ സെർജി സോബിയാനിൻ ടാസ് വാർത്താ ഏജൻസിയോട് പറഞ്ഞു. റഷ്യക്കെതിരായ ആക്രമണം ശക്തമാക്കിയിരിക്കുകയാണ് വ്ളോഡിമിര്‍ സെലൻസ്കിയുടെ ഭരണകൂടം. നൂറുകണക്കിന് ഡ്രോണുകളും ദീർഘദൂര മിസൈലുകളും ഊർജ നിലയങ്ങളെയും സൈനിക വ്യവസായങ്ങളെയും ലക്ഷ്യമാക്കി ആക്രമണം നടത്തിയതായി എപി റിപ്പോർട്ട് ചെയ്തു.രാജ്യത്തുടനീളം ഒറ്റരാത്രികൊണ്ട് 822 ഡ്രോണുകൾ വെടിവച്ചിട്ടതായി റഷ്യൻ പ്രതിരോധ മന്ത്രാലയം ഞായറാഴ്ച അറിയിച്ചു.

🔥❗️BREAKING: A massive fire has engulfed the entire Wildberries logistics hub in Koledino, Moscow Oblast, following tonight’s drone attack.

The 250,000 m² complex was one
of Wildberries’ two largest warehouses. The other, in Elektrostal, was destroyed in a strike in July,… pic.twitter.com/Tt5So1seLa

— Special Kherson Cat 🐈🇺🇦 (@bayraktar_1love) August 16, 2026

അതേസമയം റഷ്യയുടെ പ്രത്യാക്രമണത്തിൽ നിരവധി വീടുകളും വ്യവസായ കേന്ദ്രങ്ങളും തകര്‍ന്നു. യുക്രൈനിൽ റഷ്യൻ സൈന്യം നടത്തിയ വ്യത്യസ്ത ആക്രമണങ്ങളിൽ അഞ്ച് പേർ കൊല്ലപ്പെട്ടു, തെക്കൻ സപോരിജിയ മേഖലയിലെ സുമിയിലെ ക്രിവി റിഹ് എന്നിവിടങ്ങളിലാണ് ആക്രമണം നടത്തിയത്. യുക്രൈനിലെ ഏറ്റവും വലിയ സ്റ്റീൽ ഉൽപ്പാദകരായ 'ആർസെലർമിറ്റൽ ക്രിവി റിഹ്' കമ്പനിക്ക് നേരെ റഷ്യൻ മിസൈൽ ആക്രമണം ഉണ്ടായതായി സ്ഥിരീകരിച്ചു. ഇന്ത്യൻ ശതകോടീശ്വരൻ ലക്ഷ്മി മിത്തലിന്‍റെ ഉടമസ്ഥതയിലുള്ള ആർസെലർമിറ്റൽ ഗ്രൂപ്പിന്റെ ഭാഗമാണ് ഈ പ്ലാന്റ്. ആക്രമണത്തെ തുടർന്ന് കമ്പനിയുടെ പ്രവർത്തനം ഭാഗികമായി നിർത്തിവെച്ചതായി എപി റിപ്പോർട്ട് ചെയ്തു.

ക്രിവി റിഹിലെ ഒരു മെറ്റലർജിക്കൽ പ്ലാന്റും കൈവിലെ നിരവധി സൈനിക-വ്യാവസായിക കേന്ദ്രങ്ങളും തങ്ങളുടെ സൈന്യം ലക്ഷ്യമിട്ടതായി റഷ്യൻ പ്രതിരോധ മന്ത്രാലയം സ്ഥിരീകരിച്ചു. റഷ്യൻ വിതരണ കമ്പനിയായ വൈൽഡ്‌ബെറിസിന്‍റെ കൊളെഡിനോയ്‌ക്കെതിരായ ഉക്രേനിയൻ ആക്രമണത്തിന്‍റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. മോസ്കോയിൽ നിന്ന് 45 കിലോമീറ്റർ തെക്കായി സ്ഥിതി ചെയ്യുന്ന സൈറ്റിന് മുകളിൽ ഒരു വലിയ പുകപടലം പ്രത്യക്ഷപ്പെട്ടു.

🔥 The largest Wildberries logistics hub in all of Russia has been finally destroyed.
Koledino, Moscow.

Wildberries appears to have made a conscious choice not to empty this warehouse despite knowing Ukraine will destroy it like all others.
Expect $1.5+ billion in damages. pic.twitter.com/SISsou9uU2

— Igor Sushko (@igorsushko) August 16, 2026

സൈനിക വസ്തുക്കൾ സൂക്ഷിക്കുന്നതിനുള്ള ഒരു വെയർഹൗസായി ഉപയോഗിക്കുന്നുണ്ടെന്ന് അവകാശപ്പെടുന്ന വൈൽഡ്‌ബെറികളെയാണ് കിയവ് ലക്ഷ്യമിടുന്നത്. റഷ്യൻ സാമ്പത്തിക അടിസ്ഥാന സൗകര്യങ്ങൾ തകർക്കാനുള്ള യുക്രൈന്‍റെ വലിയ തന്ത്രത്തിന്റെ ഭാഗമാണിത്.റഷ്യൻ ആക്രമണങ്ങൾ കിയവിലുടനീളം തീപിടിത്തങ്ങൾക്ക് കാരണമായി. ആറ് പേര്‍ക്ക് പരിക്കേറ്റു. കിയവിലെ ഏറ്റവും വലിയ പുസ്തക മാർക്കറ്റുകളിലേക്കും തീ പടർന്നു. പൊച്ചൈന മെട്രോ സ്റ്റേഷന് സമീപം തിങ്ങിനിറഞ്ഞിരുന്ന കിയോസ്കുകളിലേക്കും തീ വ്യാപിച്ചു. “റഷ്യക്കാർക്ക് അവരുടെ ബാലിസ്റ്റിക് മിസൈലുകളുമായി എത്താൻ കഴിയുന്നിടത്തെല്ലാം അവർ സിവിലിയൻ അടിസ്ഥാന സൗകര്യങ്ങൾ ആക്രമിക്കുന്നു,” സെലെൻസ്‌കി പറഞ്ഞു.

NEW: Massive drone attack sparks raging fire at Russia’s largest Wildberries warehouse in Moscow region pic.twitter.com/E2u0SvnEuv

— Insider Paper (@TheInsiderPaper) August 16, 2026