വെടിനിർത്തൽ ചർച്ചകൾക്കിടെ ഫലസ്തീനികളെ ഒഴിപ്പിക്കാൻ പദ്ധതിയുമായി വീണ്ടും യുഎസും ഇസ്രായേലും

ദുബൈ: ദോഹയിൽ വെടിനിർത്തൽ ചർച്ച പുരോഗമിക്കുന്നതിനിടെ ഫലസ്തീനികളെ ഗസ്സയിൽ നിന്ന്​ ഒഴിപ്പിക്കാനുള്ള പദ്ധതികളുമായി വീണ്ടും ഇസ്രായേലും അമേരിക്കയും. ഗസ്സ സംഘർഷം സ്ഥിരമായി പരിഹരിക്കാൻ ​ഇസ്രായേൽ പ്രധാനമന്ത്രി നെതന്യാഹു സമർപ്പിച്ച പുതിയ നിർദേശം പ്രസിഡന്‍റ് ട്രംപ്​ പരിഗണിക്കുമെന്ന്​ യു.എസ്​ സ്​റ്റേറ്റ്​ വകുപ്പ്​ അറിയിച്ചു.

താൽക്കാലിക വെടിനിർത്തൽ പ്രഖ്യാപനം ഈ ആഴ്ചയെന്ന്​ യു.എസ്​ പശ്ചിമേഷ്യൻ ദൂതൻ സ്റ്റിവ്​ വിറ്റ്​​കോഫ്​ അറിയിച്ചു. ഹമാസും ഇസ്രാ​യേലും തമ്മിൽ വെടിനിർത്തൽ വ്യവസ്ഥകൾ സംബന്ധിച്ച ഭിന്നതകൾ ഗണ്യമായി കുറഞ്ഞതായും സ്റ്റിവ്​ വിറ്റ്​​കോഫ് ദോഹയിൽ പറഞ്ഞു.

താൽക്കാലിക വെടിനിർത്തൽ വൈകില്ലെന്ന്​ യു.എസ്​ ​പ്രസിഡന്‍റ്​ ​ഡോണാൾഡ്​ ട്രംപും വ്യക്​തമാക്കി. ഇസ്രായേൽ ​പ്രധാനമന്ത്രി ബിന്യമിൻ നെതന്യാഹുവുമായി വീണ്ടും ചർച്ച നടത്താനും ​ട്രംപ്​ തീരുമാനിച്ചു. യുദ്ധാനന്തര ഗസ്സയുടെ ഭാവി സംബന്​ധിച്ചായിരിക്കും ട്രംപ്​- ​നെതന്യാഹു ചർച്ചയെന്ന്​ യു.എസ്​ മാധ്യമങ്ങൾ റിപ്പോർട്ട്​ ചെയ്തു.

ഗ​സ്സ​യി​ൽ ഇ​സ്രാ​യേ​ൽ ആ​ക്ര​മ​ണം അ​വ​സാ​നി​പ്പി​ക്കാ​ൻ പോം​വ​ഴി​യെ​ന്ന നി​ല​യി​ൽ ഫ​ല​സ്തീ​നി​ക​ളെ പ്ര​ദേ​ശ​ത്തു​നി​ന്ന് ഒ​ഴി​പ്പി​ക്കാ​നു​ള്ള പ​ദ്ധ​തി​യാണ്​ വീ​ണ്ടും ഇ​സ്രാ​യേ​ലും അ​മേ​രി​ക്ക​യും പരിഗണിക്കുന്നത്​. ഫ​ല​സ്തീ​നി​ക​ളെ ബ​ലം​പ്ര​യോ​ഗി​ച്ച് ഗ​സ്സ​യി​ൽ​നി​ന്ന് പു​റ​ത്താ​ക്കി മ​റ്റു രാ​ജ്യ​ങ്ങ​ളി​ൽ കു​ടി​യി​രു​ത്തു​ക​യെ​ന്ന പ​ദ്ധ​തി മു​മ്പും ഇ​രു​രാ​ജ്യ​ങ്ങ​ളും മു​ന്നോ​ട്ടു​വെ​ച്ചി​രു​ന്നു. ഫ​ല​സ്തീ​നി​ക​ളു​ടെ മി​ക​ച്ച ഭാ​വി​ക്കു​വേ​ണ്ടി​യാ​ണ് ഇ​സ്രാ​യേ​ൽ ഗ​സ്സ​യി​ൽ​നി​ന്ന് അ​വ​രെ ഒ​ഴി​പ്പി​ക്കു​ന്ന നി​ർ​ദേ​ശം മു​ന്നോ​ട്ടു​വെ​ക്കു​ന്ന​തെ​ന്ന് നെ​ത​ന്യാ​ഹു പ​റ​ഞ്ഞു. നെതന്യാഹു സമർപ്പിച്ചനിർദേശം ​ട്രംപ്​ പരിഗണിക്കുമെന്ന്​ യു.എസ്​ സ്​​റ്റേറ്റ്​ വകുപ്പ്​ വക്​താവ്​ ​പ്രതികരിച്ചു.

മേഖലയിലെ സുഹൃദ്​ രാജ്യങ്ങളുമായി ഇക്കാര്യത്തിൽ ചർച്ച ആവശ്യമാണെന്നും സ്​റ്റേറ്റ്​ വകുപ്പ്​ വ്യക്​തമാക്കി. ​വെടി നിർത്തൽ ചർച്ച തുടരുന്നതിനിടെ, ഗസ്സയിൽ ആക്രമണം കൂടുതൽ ശക്​തമാക്കുകയാണ്​ ഇസ്രായേൽ. ഇന്നലെ 79പേരാണ്​കൊല്ലപ്പെട്ടത്​. തിങ്കളാഴ്ച രാത്രി വടക്കൻ ഗസ്സയിലെ ​ബൈത്ത്​ ഹാനൂനിൽ ഹമാസ്​ നടത്തിയ പ്രത്യാക്രമണത്തിൽ അഞ്ചു സൈനികർകൊല്ലപ്പെടുകയും 14 പേർക്ക്​ പരക്കേൽക്കുകയും ചെയ്തതിന്‍റെ നടുക്കത്തിലാണ്​ ഇസ്രായേൽ. ഗസ്സ ആക്രമണം 21 മാസത്തിൽ എത്തിനിൽക്കെ, ഹമാസിന്‍റെ ​​ആ​ക്രമണ​ശേഷി വർധിക്കുന്നത്​ രാജ്യത്ത് ആശങ്കയേറ്റുകയാണ്​. യുദ്ധം ഉടൻ നിർത്തി സൈനികരു​ടെ ജീവൻ രക്ഷിക്കണമെന്ന്​ ​പ്രതിപക്ഷ നേതാവ്​ യായിർ ലാപിഡ്​ ആവശ്യപ്പെട്ടു.