ഗസ്സയിൽ അടിയന്തര വെടിനിർത്തൽ; യുഎൻ രക്ഷാസമിതിയിൽ അവതരിപ്പിച്ച പ്രമേയം വീറ്റോ ചെയ്ത് അമേരിക്ക

ന്യൂയോര്‍ക്ക്: ഗസ്സയിൽ അടിയന്തര വെടിനിർത്തൽ ആവശ്യപ്പെട്ട്​ യുഎൻ രക്ഷാസമിതിയിൽ അവതരിപ്പിച്ച പ്രമേയം വീറ്റോ ചെയ്ത്​ അമേരിക്ക.

ഗസ്സയിൽ സ്ഥിര സമാധാനം ലക്ഷ്യമിട്ട്​ യുഎൻ രക്ഷാസമിതിയിൽ അവതരിപ്പിച്ച പ്രമേയം ഇസ്രായേലിന് വേണ്ടിയാണ് അമേരിക്ക വീറ്റോ ചെയ്തത്. ഹമാസിനെ തള്ളിപ്പറയാൻ പ്രമേയം തയാറായില്ലെന്ന്​ ചൂണ്ടിക്കാട്ടിയാണ്​ അമേരിക്കയുടെ വീറ്റോ. ഇസ്രായേലിന്‍റെ സുരക്ഷ, യു.എൻ രക്ഷാസമിതി പ്രമേയം മുഖവിലക്കെടുത്തില്ലെന്ന്​ ആക്​റ്റിങ്​ യുഎസ്​ അംബാസഡർ ഡൊറോത്തി ഷീഅ പറഞ്ഞു.

പ്രമേയത്തെ രക്ഷാസമിതിയിലെ 15ൽ 14 രാജ്യങ്ങളും പിന്തുണച്ചു. ഗസ്സയിലെ 21 ലക്ഷം വരുന്ന ഫലസ്തീൻ ജനത വലിയൊരു ദുരന്തമുഖത്താണെന്നും അടിയന്തര വെടിനിർത്തൽ മാത്രമാണ്​ പരിഹാരമെന്നും പ്രമേയം ചൂണ്ടിക്കാട്ടി.

എന്നാല്‍ ഗസ്സയിലെ മാനുഷിക ദുരന്തം ഉയർത്തി അടുത്ത ആഴ്ച പൊതുസഭക്കു മുമ്പാകെ പുതിയ പ്രമേയം കൊണ്ടുവരുമെന്ന്​ യുഎന്നിലെ ഫലസ്​തീൻ അംബാസഡർ റിയാദ്​ മൻസൂർ അറിയിച്ചു. സയണിസ്റ്റ്​ ക്രൂരതക്ക്​ എല്ലാ പരിരക്ഷയും നൽകുന്ന യുഎസ്​ നിലപാടാണ്​ വീറ്റോയിലൂടെ ഒരിക്കൽ കൂടി തെളിഞ്ഞതെന്ന്​ ഹമാസ്​ കുറ്റപ്പെടുത്തി. പ്രമേയം പരാജയപ്പെട്ടതിനെ സ്വാഗതം ചെയ്ത ഇസ്രായേൽ പ്രധാനമന്ത്രി ബിന്യമിൻ നെതന്യാഹു, അമേരിക്കൻ ഭരണകൂടത്തിന്​ നന്ദി പറഞ്ഞു. ലോ​കം നി​സ്സം​ഗ​മാ​യി നോ​ക്കി​നി​ൽ​ക്കെ ഗ​സ്സ​യി​ൽ അ​റു​കൊ​ല തു​ട​രുകയാണ്​ ഇ​സ്രാ​യേ​ൽ. ഇന്നലെ മാത്രം 60ൽ ഏറെ പേർ കൊല്ലപ്പെട്ടു.

ഖാ​ൻ യൂ​നു​സി​ൽ ഫ​ല​സ്തീ​നി​ക​ൾ അ​ഭ​യം തേ​ടി​യ സ്കൂ​ളി​നു നേ​രെ​യു​ള്ള ആ​ക്ര​മ​ണ​ത്തി​ൽ കു​ട്ടി​ക​ള​ട​ക്കം 18 പേ​രു​ടെ മ​ര​ണം സ്ഥി​രീ​ക​രി​ച്ചു. യു.​എ​സ് സ​ഹാ​യ​ത്തോ​ടെ ഇ​സ്രാ​യേ​ൽ തു​ട​ങ്ങി​യ ഗ​സ്സ ഹ്യു​മാ​നി​റ്റേ​റി​യ​ൻ ഫൗ​ണ്ടേ​ഷ​ൻ കേന്ദ്രങ്ങളും പ്രവർത്തനം നിർത്തി​യിരിക്കുകയാണ്​. പട്ടിണി പിടിമുറുക്കിയ ഗസ്സയിൽ ആയിരങ്ങൾ മരിച്ചുവീഴുന്ന സാഹചര്യം തടയാൻ ശക്​തമായ ഇടപെടൽ വേണമെന്ന്​ യു.എൻ ഏജൻസികൾ ആവശ്യപ്പെട്ടു.