തിരൂരങ്ങാടിയില്‍ കെ.പി.എ മജീദ് പിന്നില്‍

തിരൂരങ്ങാടിയില്‍ യു.ഡി.എഫ് സ്ഥാനാര്‍ഥി കെ.പി.എ മജീദ് പിന്നില്‍. എല്‍.ഡി.എഫ് സ്ഥാനാര്‍ഥി നിയാസ് പുളിക്കലകത്ത് ലീഡ് ചെയ്യുകയാണ്.

1957 മുതല്‍ മുസ്‍ലിം ലീഗിന്‍റെ ഉറച്ച കോട്ടയാണ് തിരൂരങ്ങാടി. എന്നാല്‍ കഴിഞ്ഞ തവണ ലീഗിന് ഭൂരിപക്ഷം ഗണ്യമായി കുറഞ്ഞിരുന്നു. 2011-ല്‍ 30208 വോട്ടിന്‍റെ ഭൂരിപക്ഷം ലഭിച്ച പി.കെ.അബ്ദുറബ്ബിന് 2016-ല്‍ ലഭിച്ചത് 6043 വോട്ടിന്‍റെ ലീഡ് മാത്രം. ഇടത് സ്വതന്ത്രനായി മത്സരിച്ച നിയാസ് പുളിക്കലകത്താണ് യു.ഡി.എഫ് ഭൂരിപക്ഷം കുറച്ചത്. അട്ടിമറി പ്രതീക്ഷിച്ചു തന്നെയായിരുന്നു നിയാസിനെ തന്നെ ഇത്തവണയും എല്‍.ഡി.എഫ് രംഗത്തിറക്കിയത്.