പാരസെറ്റാമോളിനടക്കം വിലക്ക്; ആരോഗ്യപ്രശ്‌നങ്ങൾ ചൂണ്ടിക്കാട്ടി 14 ഫിക്‌സഡ് ഡോസ് കോമ്പിനേഷൻ മരുന്നുകൾ കേന്ദ്രം നിരോധിച്ചു

14 ഫിക്‌സഡ് ഡോസ് കോമ്പിനേഷൻ (എഫ്‌ഡിസി) മരുന്നുകൾ ഇന്ത്യൻ സർക്കാർ നിരോധിച്ചു. ഈ മരുന്നുകൾക്ക് ചികിത്സാ ന്യായീകരണമില്ലെന്നും അവ ആരോഗ്യത്തെ അപകടകരമായ രീതിയിൽ ബാധിച്ചേക്കാമെന്നും ചൂണ്ടിക്കാട്ടിയാണ് നിരോധനം. പാരസെറ്റാമോൾ ഉൾപ്പടെയുള്ള എഫ്‌ഡിസി മരുന്നുകളാണ് വിലക്കിയിരിക്കുന്നത്. ഒരു നിശ്ചിത അനുപാതത്തിൽ രണ്ടോ അതിലധികമോ സജീവ ഫാർമസ്യൂട്ടിക്കൽ ചേരുവകൾ (എപിഐകൾ) ഉൾക്കൊള്ളുന്ന മരുന്നുകളാണ് എഫ്‌ഡിസി മരുന്നുകൾ. 

ഒരു വിദഗ്‌ധ സമിതിയുടെ സ്പർശക്ക് ശേഷം കഴിഞ്ഞ വെള്ളിയാഴ്ചയാണ് ഇത് സംബന്ധിച്ച വിഞ്ജാപനം കേന്ദ്ര ആരോഗ്യമന്ത്രാലയം പുറപ്പെടുവിച്ചത്. സാധാരണ അണുബാധകൾ, ചുമ, പനി എന്നിവ ചികിത്സിക്കാൻ ഉപയോഗിക്കുന്ന മരുന്നുകൾ ഉൾപ്പെടെയുള്ള മരുന്നുകളിൽ പലതും ആളുകളുടെ ആരോഗ്യത്തെ ദോഷകരമായി ബാധിക്കുന്നുവെന്ന് ചൂണ്ടിക്കാട്ടിയാണ് നടപടി. നിമെസുലൈഡ് പാരസെറ്റമോൾ ഡിസ്പെർസിബിൾ ഗുളികകൾ, ക്ലോഫെനിറാമൈൻ മലേറ്റ് കോഡിൻ സിറപ്പ്, ഫോൽകോഡിൻ പ്രോമെത്താസൈൻ, അമോക്സിസില്ലിൻ ബ്രോംഹെക്സിൻ, ബ്രോംഹെക്സിൻ ഡെക്‌ട്രോമെത്തോർഫാൻ അമോണിയം ക്ലോറൈഡ് മെന്തോൾ, പാരസെറ്റൈൻ ക്ലോറൈഡ് മെന്തോൾ, പാരസെറ്റൈൻ ക്ലോറൈഡ് ബ്രോമെൻ, പാരസെറ്റമിൻ ക്ലോറൈൻ പി. കൂടാതെ സാൽബുട്ടമോൾ ബ്രോംഹെക്സിൻ എന്നിവയാണ് നിരോധിച്ചിരിക്കുന്നത്.

പൊതുതാൽപ്പര്യം കണക്കിലെടുത്ത്, 1940-ലെ ഡ്രഗ്‌സ് ആൻഡ് കോസ്‌മെറ്റിക്‌സ് ആക്ടിന്റെ സെക്ഷൻ 26A പ്രകാരം ഈ എഫ്‌ഡിസി മരുന്നുകളുടെ നിർമാണവും വിൽപനയും വിതരണവും നിരോധിക്കണമെന്നായിരുന്നു വിദഗ്‌ധ സമിതിയുടെ ശുപാർശ. രോഗികളിൽ ഈ മരുന്നുകൾ ഉപയോഗിക്കുന്നതിന് ചികിത്സാ ന്യായീകരണങ്ങൾ ഒന്നുമില്ലെന്നും സമിതി മന്ത്രാലയത്തെ അറിയിച്ചു.

സിഡിഎസ്‌സിഒയുടെ (സെൻട്രൽ ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷൻ) പ്രവർത്തനത്തെക്കുറിച്ചുള്ള 59-ാമത് റിപ്പോർട്ടിൽ ആരോഗ്യ കുടുംബക്ഷേമ മന്ത്രാലയത്തിന്റെ പാർലമെന്ററി സ്റ്റാൻഡിംഗ് കമ്മിറ്റി, ചില സംസ്ഥാനങ്ങളിലെ ലൈസൻസിംഗ് അതോറിറ്റികൾ വൻതോതിൽ എഫ്‌ഡിസികൾക്ക് നിർമാണ ലൈസൻസ് നൽകിയതായി നിരീക്ഷിച്ചിരുന്നു. സിഡിഎസ്‌സിഒയിൽ നിന്ന് മുൻ‌കൂർ അനുമതി നേടാതെയാണ് ഇത്തരത്തിൽ മരുന്നുകൾ നിർമിക്കുന്നതും വിതരണം ചെയ്യുന്നതെന്നുമായിരുന്നു കണ്ടെത്തൽ. 

ഫലപ്രാപ്തിയും സുരക്ഷയും കൃത്യമായി പരിശോധിക്കാതെ ഇത്തരത്തിൽ നിരവധി എഫ്‌ഡിസികൾ വിപണിയിൽ ലഭ്യമാണ്. ഇത്തരം എഫ്ഡിസികളുടെ സുരക്ഷിതത്വവും ഫലപ്രാപ്തിയും തെളിയിക്കാൻ അതാത് സംസ്ഥാന/യുടി പ്രദേശങ്ങളിലെ ബന്ധപ്പെട്ട നിർമ്മാതാക്കളോട് ആവശ്യപ്പെടാൻ എല്ലാ സംസ്ഥാന/യുടി ഡ്രഗ് കൺട്രോളർമാരോടും സിഡിഎസ്‌സിഒ നിർദേശിച്ചിരുന്നു. 18 മാസത്തിനുള്ളിൽ ഇത് സംബന്ധിച്ച് കൃത്യമായ തെളിവുകൾ നൽകിയില്ലെങ്കിൽ അത്തരം എഫ്ഡിസികൾ രാജ്യത്ത് നിർമ്മാണത്തിനും വിപണനത്തിനും നിരോധിക്കപ്പെട്ടതായി പരിഗണിക്കുമെന്നും സിഡിഎസ്‌സിഒ നേരത്തെ അറിയിച്ചിരുന്നു. 

എഫ്‌ഡിസി മരുന്നുകളുടെ ഇത്തരത്തിലുള്ള നിർമാണം സംബന്ധിച്ച് നിരവധി അപേക്ഷകളാണ് സിഡിഎസ്‌സിഒയുടെ മുന്നിലുണ്ട്. വിഷയം പ്രൊഫ.സി. കൊക്കേറ്റിന്റെ നേതൃത്വത്തിലുള്ള സമിതിയാണ് പരിശോധിക്കുകയും അതനുസരിച്ച്, സിഡിഎസ്‌സിഒ അത്തരം എഫ്ഡിസികളുടെ അപേക്ഷകൾ പരിശോധിക്കുകയും ആരോഗ്യ മന്ത്രാലയത്തിന് വിവിധ റിപ്പോർട്ടുകൾ സമർപ്പിക്കുകയും ചെയ്തു. തുടർന്നാണ് മന്ത്രാലയത്തിന്റെ നടപടി. 

ഇത്തരത്തിൽ എഫ്‌ഡിസി മരുന്നുകളെ മൂന്നായി തരംതിരിച്ചിരുന്നു

1. വിഭാഗം എ - യുക്തിരഹിതമായി കണക്കാക്കുന്ന എഫ്ഡിസികൾ.
2.  വിഭാഗം ബി - വിദഗ്ധരുമായി കൂടുതൽ ചർച്ചകൾ ആവശ്യമുള്ള എഫ്ഡിസികൾ
3. വിഭാഗം C - യുക്തിസഹമായി കണക്കാക്കുന്ന എഫ്ഡിസികൾ
4. വിഭാഗം D - യുക്തിസഹവും എന്നാൽ ജനറേഷൻ ഡാറ്റ ആവശ്യമായതുമായ എഫ്ഡിസി

എഫ്ഡിസികളുടെ പൂർണ ലിസ്റ്റ് ഇതാ:- 

• നിമെസുലൈഡ് + പാരസെറ്റമോൾ ഡിസ്പെർസിബിൾ ഗുളികകൾ (Nimesulide + Paracetamol dispersible tablets)
• പാരസെറ്റമോൾ + ഫെനൈലെഫ്രിൻ + കഫീൻ ( Paracetamol + Phenylephrine + Caffeine) 
• അമോക്സിസില്ലിൻ + ബ്രോംഹെക്സിൻ ((Amoxicillin + Bromhexine)
• ഫോൽകോഡിൻ + പ്രോമെതസൈൻ (Pholcodine + Promethazine)
• ഇമിപ്രമിൻ + ഡയസെപാം ( Imipramine + Diazepam)
• ക്ലോർഫെനിറാമൈൻ മെലേറ്റ്+ ഡെക്‌ട്രോമെത്തോർഫാൻ+ഡെക്‌സ്‌ട്രോമെത്തോർഫാൻ + ഗ്വിഫെനെസിൻ + അമോണിയംമെന്തോൾ
• Chlorpheniramine Maleate +Codeine സിറപ്പ്
• അമോണിയം ക്ലോറൈഡ് + ബ്രോംഹെക്സിൻ + ഡെക്സ്ട്രോമെത്തോർഫ്
• ബ്രോംഹെക്സിൻ + ഡെക്‌സ്ട്രോമെത്തോർഫാൻ + അമോണിയം ക്ലോറൈഡ് + മെന്തോൾ (Bromhexine +Dextromethorphan +Ammonium Chloride + Menthol)
• ഡെക്‌സ്ട്രോമെത്തോർഫാൻ + ക്ലോർഫെനിറാമൈൻ + ഗ്വിഫെനെസിൻ+ അമോണിയം ക്ലോറൈഡ് (Dextromethorphan +Chlorpheniramine + Guaifenesin+ Ammonium Chloride)
• കഫീൻ + പാരസെറ്റമോൾ + ഫെനൈലെഫ്രിൻ + ക്ലോർഫെനിറാമൈൻ (Caffeine + Paracetamol + Phenylephrine + Chlorpheniramine)
• പാരസെറ്റമോൾ + ബ്രോംഹെക്‌സിൻ + ഫെനൈലെഫ്രിൻ + ക്ലോർഫെനിറാമിൻ+ ഗ്വാഫെനെസിൻ (Paracetamol + Bromhexine +Phenylephrine +Chlorpheniramine+Guaifenesin)
• സാൽബുട്ടമോൾ + ബ്രോംഹെക്സിൻ (Salbutamol + Bromhexine)
• ക്ലോർഫെനിറാമൈൻ + കോഡിൻ ഫോസ്ഫേറ്റ് + മെന്തോൾ (Chlorpheniramine +Codeine phosphate + Menthol)
• ഫെനിറ്റോയിൻ + ഫിനോബാർബിറ്റോൺ സോഡിയം (Phenytoin + Phenobarbitone sodium)
• പാരസെറ്റമോൾ + പ്രൊപ്പിഫെനാസോൺ + കഫീൻ (Paracetamol + Propyphenazone + Caffeine)
• അമോണിയം ക്ലോറൈഡ് + സോഡിയം സിട്രേറ്റ് + ക്ലോർഫെനിറാമൈൻ മാലേറ്റ് + മെന്തോൾ (Ammonium Chloride + Sodium Citrate + Chlorpheniramine Malate + Menthol)
• സാൽബുട്ടമോൾ + ഹൈഡ്രോക്‌സിതൈൽത്തിയോഫിലിൻ (എറ്റോഫിലിൻ) + ബ്രോംഹെക്‌സിൻ (Salbutamol + Hydroxyethyltheophylline (Etofylline) + Bromhexine)
• Chlorpheniramine Maleate + അമോണിയം ക്ലോറൈഡ് + സോഡിയം സിട്രേറ്റ് (Chlorpheniramine Maleate + Ammonium Chloride + Sodium Citrate)

ഈ കോമ്പിനേഷനുകളിൽ ചിലതിന്റെ ഡാറ്റ പരീക്ഷിക്കുകയും ഫലങ്ങൾക്കായി കാത്തിരിക്കുകയും ചെയ്യുകയാണ്. അതേസമയം, ഇമിപ്രാമൈൻ + ഡയസെപാം, ക്ലോർഫെനിറാമൈൻ മാലെറ്റ് + അമോണിയം ക്ലോറൈഡ് + സോഡിയം സിട്രേറ്റ് തുടങ്ങിയ കോമ്പിനേഷനുകൾ യുക്തിസഹമായ ഉപയോഗത്തിനായി വിദഗ്‌ധ സമിതി അംഗീകരിച്ചിട്ടുണ്ട്.