മാസപ്പിറവി കണ്ടില്ല; കേരളത്തില് ചെറിയ പെരുന്നാള് ചൊവ്വാഴ്ച
റമദാന് 30 പൂര്ത്തിയാക്കിയാണ് സംസ്ഥാനത്ത് ഇസ്ലാം മതവിശ്വാസികള് ചെറിയ പെരുന്നാള് ആഘോഷിക്കുക.
Update: 2022-05-01 16:34 GMT
കോഴിക്കോട്: കേരളത്തില് ചെറിയ പെരുന്നാള് ചൊവ്വാഴ്ച. ഇന്ന് മാസപ്പിറവി കാണാത്തതിനാലാണിത്. ഇതോടെ റമദാന് 30 പൂര്ത്തിയാക്കിയാണ് സംസ്ഥാനത്ത് ഇസ്ലാം മതവിശ്വാസികള് ചെറിയ പെരുന്നാള് ആഘോഷിക്കുക.
ഖാദിമാരായ സമസ്ത കേരള ജംഇയ്യത്തുൽ ഉലമ പ്രസിഡന്റ് മുഹമ്മദ് ജിഫ്രി മുത്തുക്കോയ തങ്ങൾ, പാണക്കാട് സാദിഖലി ശിഹാബ് തങ്ങൾ, സമസ്ത ജനറൽ സെക്രട്ടറി പ്രഫ. കെ. ആലിക്കുട്ടി മുസ്ലിയാർ, അഖിലേന്ത്യാ സുന്നി ജംഇയ്യത്തുൽ ഉലമ ജനറൽ സെക്രട്ടറി കാന്തപുരം എ പി അബൂബക്കർ മുസ്ലിയാർ, ഇബ്റാഹീമുല് ഖലീല് അല് ബുഖാരി, കോഴിക്കോട് ഖാദിമാരായ മുഹമ്മദ് കോയ തങ്ങൾ ജമലുല്ലൈലി, നാസർ ഹയ്യ് തങ്ങൾ, പാളയം ഇമാം വി പി സുഹൈബ് മൌലവി എന്നിവരാണ് പെരുന്നാള് സംബന്ധിച്ച അറിയിപ്പ് നല്കിയത്.
അതേസമയം ഗൾഫ് രാജ്യങ്ങളിൽ നാളെയാണ് ചെറിയ പെരുന്നാൾ. റമദാനിലെ 30 ദിനങ്ങളും പൂർത്തിയാക്കിയാണ് ഗൾഫിൽ നാളെ പെരുന്നാളെത്തുന്നത്. ഒമാനില് ഇന്ന് മാസപ്പിറവി കണ്ടു. അതിനാല് ഒമാനിലും നാളെയാണ് ചെറിയ പെരുന്നാൾ.