കോഴിക്കോട്ട് ആംബുലൻസും ട്രാവലറും കൂട്ടിയിടിച്ച് എട്ടുപേർക്ക് പരിക്ക്

കോഴിക്കോട്: പുതുപ്പാടിയിൽ ആംബുലൻസും ട്രാവലറും കൂട്ടിയിടിച്ച് അപകടം. എട്ടുപേർക്ക് പരിക്കേറ്റു. ഇന്നു രാവിലെ 7.45ഓടെയായിരുന്നു അപകടം.

കോഴിക്കോട്-കൊല്ലഗൽ ദേശീയപാതയിൽ പുതുപ്പാടി പഞ്ചായത്ത് ബസാറിലാണു സംഭവം. സുൽത്താൻബത്തേരിയിൽനിന്ന് കോഴിക്കോട്ടേക്കു വരികയായിരുന്ന ആംബുലൻസ് കൊല്ലത്തേക്കു പോകുകയായിരുന്ന ട്രാവലറുമായി കൂട്ടിയിടിക്കുകയായിരുന്നു.

ആംബുലൻസിലുണ്ടായിരുന്ന നാലുപേരും പരിക്കേറ്റവരിൽ ഉൾപ്പെടും. ഇവരെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മറ്റുള്ളവർ മേപ്പാടി സ്വകാര്യ ആശുപത്രിയിൽ ചികിത്സയിലാണ്.

Summary: Eight injured in an accident that a ambulance and traveler collided in Puthuppady, Kozhikode