നമ്മുടെയൊക്കെ പല്ല് വൃത്തിയാക്കാനെന്തു ചെയ്യും? സംശയമെന്താ... രണ്ടു നേരം പല്ലു തേയ്ക്കും അല്ലേ? കൂടുതല് വൃത്തികേടായാല് ഒരു ദന്തരോഗ വിദഗ്ധനെ സമീപിക്കും. എന്നാല് ഇവിടെയൊരു സ്കൂബ ഡൈവറുടെ പല്ല് വൃത്തിയാക്കുന്നത് ഒരു ചെമ്മീനാണ്. വെള്ളത്തിനടിയില് വച്ച് സ്കൂബ ഡൈവറുടെ വായ്ക്കകത്ത് കയറി പല്ലുകള് വൃത്തിയാക്കുന്ന ചെമ്മീന്റെ വീഡിയോ സോഷ്യല്മീഡിയയില് വൈറലായിരിക്കുകയാണ്. അമേസിംഗ് നേച്ചേഴ്സിന്റെ ട്വിറ്റര് പേജിലാണ് ഈ വീഡിയോ പ്രത്യക്ഷപ്പെട്ടിരിക്കുന്നത്.
വെള്ളത്തിനടിയിലൂടെ നീന്തുന്ന സ്കൂബ ഡൈവറെയാണ് ആദ്യം വീഡിയോയില് കാണുന്നത്. തൊട്ടടുത്ത് ഒരു ചെറിയ ചെമ്മീനെയും കാണാം. ഡൈവര് വാ തുറക്കുമ്പോള് ചെമ്മീന് അകത്തേക്ക് കയറി തന്റെ ചെറിയ കൊമ്പുകള് ഉപയോഗിച്ച് പല്ല് വൃത്തിയാക്കുന്നു. തുടര്ന്നു പുറത്തിറങ്ങി മുന്നിരയിലെ പല്ലും ശുചിയാക്കുന്നു. പല്ലുകള് മുഴുവന് വൃത്തിയാക്കുന്നതുവരെ ഡൈവര് ക്ഷമയോടെ നില്ക്കുന്നതും വീഡിയോയില് കാണാം. നിമിഷനേരം കൊണ്ടാണ് വീഡിയോ വൈറലായത്. എന്നാല് ചെമ്മീന് യഥാര്ഥത്തില് പല്ല് വൃത്തിയാക്കുകയാണോ എന്നും ചിലര് സംശയം പ്രകടിപ്പിച്ചു.
Need Teeth Clean Contact me pic.twitter.com/7GSJdQjHjx
— Amazing Nature (@AmazingNature00) April 8, 2022