ഇൻസ്റ്റഗ്രാമിലെ ഒരു പോസ്റ്റിന് കോഹ്‌ലിക്ക് ലഭിക്കുന്നത് 50 ലക്ഷം; പട്ടികയിൽ ക്രിസ്റ്റ്യാനോ ഒന്നാം സ്ഥാനത്ത്

ഇൻസ്റ്റാഗ്രാമിൽ ഏറ്റവും കൂടുതൽ പ്രതിഫലം വാങ്ങുന്ന ഇന്ത്യൻ സെലിബ്രിറ്റിയായി വിരാട് കോഹ്‌ലി. ഒരു പോസ്റ്റിന് 680,000 ഡോളർ സമ്പാദിക്കുന്ന കോഹ്‌ലി ലോക പട്ടികയിൽ 19-ാം സ്ഥാനത്താണ്. പ്രിയങ്ക ചോപ്ര 27-ാം സ്ഥാനത്തുണ്ട്. 403,000 ഡോളർ ആണ് പ്രിയങ്കക്ക് ലഭിക്കുന്നത്. ഇരുവർക്കും പുറമെ ആദ്യ 50 പേരുടെ പട്ടികയിൽ മറ്റൊരു ഇന്ത്യൻ സെലിബ്രിറ്റിയും ഇടം പിടിച്ചിട്ടില്ല.

View this post on Instagram

A post shared by Virat Kohli (@virat.kohli)

പട്ടികയിൽ ഒന്നാം സ്ഥാനത്തുള്ളത് പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോയാണ്. ഒരു പോസ്റ്റിലൂടെ മാഞ്ചസ്റ്റർ യുണൈറ്റഡ് താരം നേടുന്നത് 1,604,000 ഡോളറാണ്. രണ്ടമതായി അമേരിക്കൻ നടൻ ഡ്വെയിൻ ജോൺസണാണ്, ദി റോക്കിന് ഒരു പോസ്റ്റിലൂടെ ലഭിക്കുന്ന വരുമാനം 1,523,000 ഡോളറാണ്. പിന്നാലെ അരിയാനെ ഗ്രാൻഡെ, കൈയിൽ ജെന്നെർ, സെലേന ഗോമെസ് എന്നിവരാണ് ആദ്യ അഞ്ച് സ്ഥാനങ്ങളിൽ ഉള്ളത്.

റൊണാൾഡോയെ കൂടാതെ, ആദ്യ 10 ലിസ്റ്റിൽ ഇടം നേടിയ ഒരേയൊരു ഫുട്‌ബോൾ താരം ലയണൽ മെസ്സി മാത്രമാണ്. ഒരു പോസ്റ്റിന് 1,169,000 സമ്പാദിച്ച് ഏഴാം സ്ഥാനത്താണ് മെസി. കിം കാർദിഷാൻ, ബിയോൺസ്, ജെസ്റ്റിൻ ബിയ്‌ബെർ, കെൻഡാൽ ജെന്നെർ എന്നിവരാണ് പട്ടികയിലെ ആദ്യ പത്തിൽ ഇടം നേടിയവർ.