ഡൽഹിയിൽ വായുവിന്‍റെ ഗുണനിലവാരം കുറയുന്നു

ഡല്‍ഹി: ഡൽഹിയിൽ വായുവിന്‍റെ ഗുണനിലവാരം കുറയുന്നു. കേന്ദ്രമലിനീകരണ നിയന്ത്രണ ബോർഡിന്‍റെ റിപ്പോർട്ട്‌ പ്രകാരം രാജ്യതലസ്ഥാനത്തെ വായുവിന്‍റെ ഗുണനിലവാര സൂചിക 273 ആയിരുന്നു. ഒരു ഇടവേളക്ക് ശേഷമാണ് ഡൽഹിയിലെ വായുനിലവാരം വീണ്ടും മോശം നിലയിലേക്ക് മാറിയത്.

വായുനിലവാര സൂചിക പൂജ്യത്തിനു 50 നും ഇടയിലുഉള്ളതാണ് ഭേദപ്പെട്ട നിലവാരം. എന്നാൽ 50ന് അടുത്തേക്ക് നിലവാരം എത്തിയിട്ട് മാസങ്ങളായി. ജൈവാവശിഷ്ടങ്ങൾ കത്തിക്കുന്നതാണ് ഡൽഹിയിൽ വായു മലിനീകരണത്തിന് പ്രധാന കാരണമെന്ന് ഡൽഹി ഐ ഐ ടിയിലെ ഗവേഷകർ നടത്തിയ പഠനത്തിൽ കണ്ടെത്തിയിരുന്നു. കൂടാതെ വ്യവസായ സ്ഥാപനങ്ങളിൽ നിന്നുള്ള മലിനീകരണവും വായുമോശമാകാൻ ഇടയാകുന്നു.

വായു നിലവാരം കുറയുന്നത് ആരോഗ്യപ്രശ്നങ്ങൾക്ക് കാരണമാകുന്നുണ്ട്. ഡൽഹിയിൽ താപതരംഗം അടുത്ത ഏഴ് ദിവസത്തേക്ക് കുറയുമെന്ന് കാലാവസ്ഥ വകുപ്പ് അറിയിച്ചെങ്കിലും ഉയർന്ന താപനില 40 ന് മുകളിൽ ആയിരിക്കുമെന്ന് മുന്നറിയിപ്പ് നൽകിയിട്ടുണ്ട്. ഡൽഹിയിലെ വായു മാലിനികരണത്തിനത്തിനു നടപടി സ്വീകരിക്കാത്തതിൽ കേന്ദ്രസർക്കാരിന് സുപ്രീം കോടതി വിമര്‍ശിച്ചിരുന്നു.