മദ്യപാനശീലം മൂലം സഹികെട്ടു; ഭർത്താവിനെ തലക്കടിച്ചു കൊന്ന് ഭാര്യ പൊലീസില്‍ കീഴടങ്ങി

നാഗ്പൂർ: മഹാരാഷ്ട്രയിലെ നാഗ്പൂർ ജില്ലയിൽ ഭർത്താവിനെ വെട്ടിക്കൊലപ്പെടുത്തി ഭാര്യ പൊലീസിൽ കീഴടങ്ങി.അവാന്ധി സ്വദേശിയായ ആനന്ദ് ഭാഡുജി പാട്ടീൽ എന്നയാളാണ് കൊല്ലപ്പെട്ടത്. ഭർത്താവിന്റെ മദ്യപാന ശീലം മൂലം സഹികെട്ടാണ് കൊലപാതകം നടത്തിയതെന്നും പ്രതിയായ അരുണ പാട്ടീൽ പൊലീസിനോട് പറഞ്ഞു.

ആനന്ദ് ഭാഡുജി പാട്ടീൽ മദ്യത്തിന് അടിമയായിരുന്നെന്നും മദ്യപിക്കാനായി തന്നോട് പലപ്പോഴും പണം ആവശ്യപ്പെടുകയും ചെയ്തതായി ഭാര്യ പറയുന്നു. ശനിയാഴ്ച രാത്രിയും മദ്യപിക്കാൻ പണം ചോദിച്ചതിനെച്ചൊല്ലി ഇരുവരും തമ്മിൽ തർക്കമുണ്ടായി. തുടർന്ന് ഉറങ്ങാൻ കിടന്ന ആനന്ദിന്റെ തലയിൽ കല്ലുകൊണ്ടടിച്ച് കൊലപ്പെടുത്തുകയായിരുന്നു.തുടര്‍ന്ന് ഞായറാഴ്ച രാവിലെ ന്യൂ കാംപ്റ്റി പൊലീസ് സ്റ്റേഷനിലെത്തി കീഴടങ്ങുകയായിരുന്നു.