ലൈം​ഗിക തൊഴിലാളികളെ കൊള്ളയടിച്ചു; ഇന്ത്യക്കാർക്ക് അഞ്ചുവർഷം തടവും ചൂരലടിയും വിധിച്ച് സിം​ഗപ്പൂർ കോടതി

സിം​ഗപ്പൂർ: ​ലൈം​ഗിക തൊഴിലാളികളെ ആക്രമിക്കുകയും കൊള്ളയടിക്കുകയും ചെയ്ത കേസിൽ രണ്ട് ഇന്ത്യകാർക്ക് അഞ്ചുവർഷം ഒരു മാസവും തടവും 12 ചൂരലടിയും ശിക്ഷ വിധിച്ച് സിം​ഗപ്പൂർ കോടതി.

അവധിക്കാല സന്ദർശനത്തിനായി സിം​ഗപ്പൂരിലെത്തിയ ആരോക്കിയസാമി ഡൈസൺ, രാജേന്ദ്രൻ മയിലരസൻ എന്നിവർക്കാണ് സിം​ഗപ്പൂർ കോടതി ശിക്ഷ വിധി‍ച്ചത്. ഏപ്രിൽ 24ന് വേനൽ അവധിക്കാലം ആഘോഷിക്കാൻ എത്തിയ ഇവർ രണ്ടുദിവസത്തിന് ശേഷം ലൈംഗിക സേവനത്തിനായി അഞ്ജാതൻ മുഖേന രണ്ടു സ്ത്രീകളെ സമീപിക്കുകയായിരുന്നു. തുടർന്ന് അവരെ അക്രമിച്ച ശേഷം പണം കൊള്ളയടിക്കുകയും ചെ​യ്തെന്നാണ് കേസ്. ഒരു ഹോട്ടലിലും ഇവർ മോഷണം നടത്തിയതായും ആരോപണമുണ്ട്.

ലൈം​ഗിക തൊഴിലാളികളുടെ പരാതിയെ തുടർന്നായിരുന്നു അറസ്റ്റ്. കയ്യിൽ കരുതിയ പണം തീർന്നുപേയതിനാലാണ് കൊള്ള എന്നാണ് പ്രതികളുടെ മൊഴി. കുറ്റം തെളിഞ്ഞതിനെ തുടർന്ന് സിം​ഗപ്പൂർ നിയമപ്രകാരം നിർബന്ധിത ജയിൽ ശിക്ഷയ്ക്ക് വിധിക്കുകയായിരുന്നു.