Top

'മോ​ദി​സ​ർ​ക്കാ​റിന്റെ ഫോ​ൺ ചോ​ർ​ത്ത​ൽ രാജ്യത്തിന്​ അപമാനകരം'; യെച്ചൂരി

'ചോ​ര്‍ത്ത​ല്‍ ഉ​ണ്ടാ​യ​താ​യി 2019ല്‍ ​ഇ​ട​തു​പ​ക്ഷം പാ​ര്‍ല​മെൻറി​ൽ ഉ​ന്ന​യി​ച്ച​താ​ണ്'

MediaOne Logo

Web Desk

  • Updated:

    2021-07-20 16:56:18.0

Published:

20 July 2021 4:53 PM GMT

മോ​ദി​സ​ർ​ക്കാ​റിന്റെ ഫോ​ൺ ചോ​ർ​ത്ത​ൽ രാജ്യത്തിന്​ അപമാനകരം; യെച്ചൂരി
X

പെ​ഗാ​സ​സ് ഫോൺ ചോർത്തൽ വിവാദത്തിൽ കേന്ദ്രത്തെ വിമർശിച്ച് സി.​പി.​എം ജ​ന​റ​ല്‍ സെ​ക്ര​ട്ട​റി സീ​താ​റാം യെ​ച്ചൂ​രി. മോ​ദി​സ​ർ​ക്കാ​റിന്റെ ഫോ​ൺ ചോ​ർ​ത്ത​ൽ രാ​ജ്യ​ത്തി​ന് അ​പ​മാ​ന​ക​ര​മെ​ന്ന്​ യെ​ച്ചൂ​രി പറഞ്ഞു. പൗ​രാ​വ​കാ​ശ​ത്തെ വെ​ല്ലു​വി​ളി​ക്കു​ന്ന​ത് നി​യ​മ​വി​രു​ദ്ധ​മാ​യ ന​ട​പ​ടി​യാ​ണ്. എ​ന്തി​നാ​ണ് പെ​ഗാ​സ​സ് ഉ​പ​യോ​ഗി​ക്കു​ന്ന​ത് എ​ന്ന് ഇ​പ്പോ​ള്‍ വ്യ​ക്ത​മാ​യി.

ചോ​ര്‍ത്ത​ല്‍ ഉ​ണ്ടാ​യ​താ​യി 2019ല്‍ ​ഇ​ട​തു​പ​ക്ഷം പാ​ര്‍ല​മെൻറി​ൽ ഉ​ന്ന​യി​ച്ച​താ​ണ്. പെ​ഗാ​സ​സ് ഉ​പ​യോ​ഗം പ​ര​സ്യ​മാ​യി നി​ഷേ​ധി​ക്കാ​ന്‍ കേ​ന്ദ്ര​സ​ര്‍ക്കാ​ര്‍ ത​യാ​റാ​യി​ല്ല. പാ​ര്‍ല​മെൻറി​ൽ ഇ​തി​ന് ഉ​ത്ത​രം പ​റ​യാ​നും അ​ന്വേ​ഷ​ണ​ത്തി​ന് ഉ​ത്ത​ര​വി​ടാ​നും മോ​ദി ബാ​ധ്യ​സ്ഥ​നാ​ണെ​ന്നും യെ​ച്ചൂ​രി പ​റ​ഞ്ഞു.

സ​ര്‍ക്കാ​ര്‍ സം​വി​ധാ​ന​ങ്ങ​ള്‍ക്ക​ല്ലാ​തെ എ​ൻ.​എ​സ്.​ഒ ക​മ്പ​നി​യു​ടെ ചാ​ര സോ​ഫ്റ്റ് വെ​യ​റു​ക​ള്‍ ഉ​പ​യോ​ഗി​ക്കാ​ന്‍ ക​ഴി​യി​ല്ല. അ​ന്താ​രാ​ഷ്​​ട്ര​ത​ല​ത്തി​ല്‍ ഗൂ​ഢാ​ലോ​ച​ന ന​ട​ന്നു എ​ന്ന് ആ​രോ​പി​ക്കു​ന്ന കേ​ന്ദ്ര​സ​ര്‍ക്കാ​ര്‍ എ​ന്ത് ഗൂ​ഢാ​ലോ​ച​ന​യാ​ണ്​ ന​ട​ന്ന​ത് എ​ന്ന് പറയണമെന്നും യച്ചൂരി ആവശ്യപ്പെട്ടു.

അതേസമയം 2019ൽ കർണാടകയിലെ ജെഡിഎസ്-കോൺഗ്രസ് സർക്കാരിനെ താഴെയിറക്കാൻ പെഗാസസ് ഉപയോഗിച്ചതായി സംശയിക്കുന്ന റിപ്പോർട്ടുകളും പുറത്തുവന്നു. മുൻ മുഖ്യമന്ത്രി കുമാരസ്വാമിയുടെ സെക്രട്ടറി, ഉപമുഖ്യമന്ത്രിയായിരുന്ന ജി പരമേശ്വര, സിദ്ധരാമയ്യയുടെ സെക്രട്ടറി എന്നിവരുടെ ഫോണ്‍ കോളുകൾ ചോർത്തിയതായാണ് വിവരം.

2019ൽ ജെഡിഎസ്-കോൺഗ്രസ് സ൪ക്കാരിനെ താഴെയിറക്കാനാണ് ബിജെപി ഓപ്പറേഷൻ താമര പ്രഖ്യാപിച്ചത്. ഇതേ സമയത്ത് ജെഡിഎസ്-കോൺഗ്രസ് സ൪ക്കാരിന് ചുക്കാൻ പിടിച്ചവരുടെ ആശയവിനിമയം മനസിലാക്കാൻ ഫോൺ ചോ൪ത്തിയെന്നാണ് സൂചന. സ൪ക്കാരിന് നേതൃത്വം കൊടുത്ത മുഖ്യമന്ത്രി എച്ച് ഡി കുമാരസ്വാമിയുടെയും കോൺഗ്രസ് നേതാവും മുൻ മുഖ്യമന്ത്രിയുമായ സിദ്ധരാമയ്യയുടെയും പേഴ്സണൽ സെക്രട്ടറിമാരുടെ ഫോണുകളാണ് ചോ൪ത്തലിന് വിധേയമായെന്ന് സംശയിക്കുന്നത്. ഒപ്പം അന്നത്തെ ഉപമുഖ്യമന്ത്രി ജി പരമേശ്വരയുടെ ഫോണും ചോർത്തലിന് വിധേയമായ പട്ടികയിലുണ്ടെന്നാണ് വിവരം. പ്രതിപക്ഷത്തെ പ്രമുഖനായ രാഹുൽ ഗാന്ധിയുടെയും അടുപ്പക്കാരുടെയും ഫോണുകൾ ചോർത്തിയിട്ടുണ്ടാകാമെന്ന് വാ൪ത്തക്ക് പിന്നാലെയാണ് പുതിയ വെളിപ്പെടുത്തൽ.

ഫോൺചോർത്തൽ വിവാദത്തിൽ ചാര സോഫ്റ്റ്‍വെയര്‍ നി൪മിച്ച പെഗാസസ് തന്നെ ഇപ്പോൾ അന്വേഷണം പ്രഖ്യാപിച്ചിരിക്കുകയാണ്. ദുരുപയോഗം നടന്നിട്ടുണ്ടെന്ന് തെളിഞ്ഞാൽ കുറ്റക്കാ൪ക്കെതിരെ നടപടിയുണ്ടാകും. നേരത്തെ സോഫ്റ്റ്‍‍വെയര്‍ ദുരുപയോഗം ചെയ്ത അഞ്ച് ഉപഭോക്താക്കളുമായുള്ള ഇടപാട് കമ്പനി അവസാനിപ്പിച്ചിട്ടുണ്ടെന്നും എൻഎസ്ഒ ഗ്രൂപ്പ് വ്യക്തമാക്കി. ഫ്രാൻസിലെ വാ൪ത്ത വെബ്സൈറ്റായ മീഡിയട്രാപും അതിലെ രണ്ട് മാധ്യമപ്രവ൪ത്തകരും നൽകിയ പരാതിയിൽ ഫ്രാൻസ് പബ്ലിക് പ്രോസിക്യൂട്ടറും അന്വേഷണം പ്രഖ്യാപിച്ചിട്ടുണ്ട്. മോറോക്കോയുടെ രഹസ്യാന്വേഷണ വിഭാഗം ഫോൺ ചോർത്തിയെന്ന് ആരോപിച്ച് നൽകിയ പരാതിയിലാണ് ഫ്രാൻസിന്‍റെ അന്വേഷണം.

TAGS :

Next Story