വാട്ട്‌സ്ആപ്പില്ല, ഇൻസ്റ്റാഗ്രാമില്ല! ഇന്ത്യയിലെ ഈ ഗ്രാമത്തിൽ ഇന്റർനെറ്റ് കണക്റ്റിവിറ്റിയില്ല; അറിയാം കിബ്ബർ ഗ്രാമത്തെ കുറിച്ച്

ഹിമാചൽ പ്രദേശ്: വാട്ട്‌സ്ആപ്പിൽ സന്ദേശങ്ങൾ അയക്കാത്ത ഇൻസ്റ്റാഗ്രാമിൽ റീലുകൾ സ്ക്രോൾ ചെയ്യാത്ത ഒരു സ്ഥലം ഇന്ത്യയിലുണ്ടെന്ന് പറഞ്ഞാൽ ആരെങ്കിലും വിശ്വസിക്കുമോ! ഇന്റർനെറ്റ് കണക്റ്റിവിറ്റിയുടെ ഒരു ചെറിയ സിഗ്നൽ പോലും ലഭിക്കാൻ അപകടകരമായ മലകൾ കയറേണ്ടി വരുന്ന ആയിരക്കണക്കിന് ആളുകൾക്ക് ഇപ്പോഴും ഇന്റർനെറ്റ് സേവനങ്ങൾ ലഭ്യമല്ലാത്ത ഇന്ത്യയിലെ ഗ്രാമമാണ് ഹിമാചൽ പ്രദേശിലെ കിബ്ബർ. ഇന്ന് 4G, 5G ഇന്റർനെറ്റ് കണക്റ്റിവിറ്റിയെ ചുറ്റിപ്പറ്റി രാജ്യം ചർച്ച ചെയ്യുന്ന കാലത്ത് രാജ്യത്തിന്റെ പുരോഗതിയുടെ തിളങ്ങുന്ന തലക്കെട്ടുകളിൽ നിന്ന് വളരെ അകലെയായി ഒരു ഗ്രാമം ഇന്റർനെറ്റ് ആക്‌സസ്സിന്റെ അഭാവം എന്ന അടിസ്ഥാന വെല്ലുവിളിയുമായി മല്ലിടുന്നു.

ഇവിടെയുള്ള താമസക്കാർക്ക് ഓൺലൈൻ വിദ്യാഭ്യാസം, ഡിജിറ്റൽ പേയ്‌മെന്റുകൾ, സർക്കാർ പദ്ധതികളെക്കുറിച്ചുള്ള വിവരങ്ങൾ എന്നിവ വിദൂര സ്വപ്നങ്ങൾ മാത്രമാണ്. നഗരങ്ങളിൽ എളുപ്പത്തിൽ ലഭ്യമായ ഇന്റർനെറ്റ് ആക്‌സസ് അവർക്ക് നഷ്ടപ്പെട്ടതിനാൽ കുട്ടികളും യുവതലമുറയും ആധുനിക ലോകത്തിൽ നിന്ന് വിച്ഛേദിക്കപ്പെട്ടിരിക്കുകയാണ്. സോഷ്യൽ മീഡിയയുടെ തിളക്കത്തിൽ നിന്ന് മാറി ഈ ഗ്രാമം പ്രകൃതി സൗന്ദര്യത്തിനും സമാധാനപരമായ ജീവിതരീതിക്കും പേരുകേട്ടതാണ്. വിനോദസഞ്ചാരികൾ ദൂരെ നിന്ന് പോലും ഇവിടെയെത്തുന്നു.

ഹിമാചൽപ്രദേശിലെ ലഹാഉൽ-സ്പിറ്റി ജില്ലയിലാണ് കിബർ ഗ്രാമം സ്ഥിതി ചെയ്യുന്നത്. ഈ ഗ്രാമത്തിൽ ഇന്റർനെറ്റ് കണക്റ്റിവിറ്റി ഇപ്പോഴും ഒരു പ്രധാന വെല്ലുവിളിയാണ്. ഇന്ത്യയിലെ സ്പിറ്റി വാലിയിൽ നിന്ന് 14,000 അടി ഉയരത്തിലാണ് ഈ ഗ്രാമം സ്ഥിതിചെയ്യുന്നത്. കിബർ മനോഹരമായ ഗ്രാമമാണെങ്കിലും ഡിജിറ്റലി ഒറ്റപ്പെട്ടതാണ്. എല്ലാം ഓൺലൈനിലായ ഈ കാലത്ത് ഇവിടത്തെ വിദ്യാർഥികൾക്കും താമസക്കാർക്കും വളരെയധികം ബുദ്ധിമുട്ടുകൾ നേരിടുന്നു. ഓൺലൈൻ ക്ലാസുകളിൽ പങ്കെടുക്കാനോ ഒരു ഫോം പൂരിപ്പിക്കാനോ പോലും നെറ്റ്‌വർക്ക് കണക്റ്റിവിറ്റിയുടെ നേരിയൊരു ദൃശ്യം പോലും ലഭിക്കുന്ന സ്ഥലത്ത് എത്താൻ അവർക്ക് നിരവധി കിലോമീറ്ററുകൾ കയറേണ്ടിവരുന്നു.