7-8 ബില്യൺ ഡോളർ IPO മൂല്യം ലക്ഷ്യമിട്ട് OYO; നവംബറിൽ DRHP ഫയൽ ചെയ്യും

ഹരിയാന: ആഗോള ട്രാവൽ ടെക് സ്ഥാപനമായ OYO നവംബറിൽ ഡ്രാഫ്റ്റ് റെഡ് ഹെറിംഗ് പ്രോസ്പെക്ടസ് (ഡിആർഎച്ച്പി) ഫയൽ ചെയ്യാൻ പദ്ധതിയിടുന്നതായി റിപ്പോർട്ട്. ഒരു ഇനീഷ്യൽ പബ്ലിക് ഓഫറിംഗിന് (ഐപിഒ) മുമ്പ് പൊതുജനങ്ങളിൽ നിന്ന് മൂലധനം സമാഹരിക്കുന്നതിനുള്ള അനുമതി തേടുന്നതിനായി സെബിയിൽ ഫയൽ ചെയ്യുന്ന ഒരു പ്രാഥമിക രേഖയാണ് ഡ്രാഫ്റ്റ് റെഡ് ഹെറിംഗ് പ്രോസ്പെക്ടസ് (ഡിആർഎച്ച്പി). ഐപിഒക്ക് 7-8 ബില്യൺ യുഎസ് ഡോളർ മൂല്യം പ്രതീക്ഷിക്കുന്നു. അടുത്ത ആഴ്ച ഈ നിർദേശവുമായി കമ്പനി ബോർഡിനെ സമീപിക്കുമെന്ന് ഈ വിഷയവുമായി പരിചയമുള്ള വൃത്തങ്ങൾ പറഞ്ഞതായി പിടിഐ റിപ്പോർട്ട് ചെയ്യുന്നു.

'OYO യുടെ ഡയറക്ടർ ബോർഡിന്റെ നിയന്ത്രണത്തിലുള്ളതും അവരുടെ വിവേചനാധികാരത്തിൽ മാത്രം ഒതുങ്ങുന്നതുമായ തീരുമാനമായതിനാൽ DRHP അല്ലെങ്കിൽ IPO യുമായി ബന്ധപ്പെട്ട പദ്ധതികളുമായി ബന്ധപ്പെട്ട സമയപരിധികളെക്കുറിച്ച് ഞങ്ങൾക്ക് അഭിപ്രായം പറയാൻ കഴിയില്ല. എന്നാൽ OYO അതിന്റെ പങ്കാളികൾക്ക് മൂല്യം വർധിപ്പിക്കുന്നതിനുള്ള നിരവധി തന്ത്രപരമായ ഓപ്ഷനുകൾ വിലയിരുത്തുന്നുണ്ട്.' കമ്പനി വക്താവ് പറഞ്ഞതായി ഇക്കണോമിക് ടൈംസ് റിപ്പോർട്ട് ചെയ്യുന്നു.

മറ്റ് സ്രോതസ്സുകൾ പ്രകാരം സമീപ ആഴ്ചകളിൽ പ്രധാന ബാങ്കിംഗ് പങ്കാളികളുമായുള്ള ചർച്ചകൾ നടക്കുന്നുണ്ട്. മൂല്യനിർണ്ണയ മാർഗനിർദേശം ഇപ്പോൾ 7-8 ബില്യൺ യുഎസ് ഡോളറായി (ഒരു ഷെയറിന് ഏകദേശം 70 രൂപ) നിശ്ചയിച്ചിട്ടുണ്ട്. ഇത് EBITDA യുടെ 25-30 മടങ്ങ് പരിധിയിലാകാൻ സാധ്യതയുണ്ട്. 'നവംബറിലേക്ക് റെഗുലേറ്റർമാരുമായി ഫയൽ ചെയ്യുന്നത് പരിഗണിക്കുകയാണ്. കഴിഞ്ഞ കുറച്ച് മാസങ്ങളായി സോഫ്റ്റ്ബാങ്ക് ലണ്ടനിലെ ആക്സിസ്, സിറ്റി, ഗോൾഡ്മാൻ സാച്ച്സ്, ഐസിഐസിഐ, ജെഎം ഫിനാൻഷ്യൽ, ജെഫറീസ് തുടങ്ങിയ ബാങ്കുകളുമായി വിപണി വികാരം വിലയിരുത്തുന്നതിനായി ബന്ധപ്പെട്ടിരുന്നു. വിപണി ഫീഡ്ബാക്ക് വിലയിരുത്തിയ ശേഷം അവർ ഇപ്പോൾ അവരുടെ തീരുമാനത്തിൽ ആത്മവിശ്വാസത്തിലാണ്. കമ്പനി അടുത്ത ആഴ്ച ബോർഡിനെ സമീപിക്കും.' സംഭവവികാസങ്ങളെക്കുറിച്ച് അറിയാവുന്ന ഒരാളെ ഉദ്ധരിച്ച് എക്കണോമിക്സ് ടൈംസ് റിപ്പോർട്ട് ചെയ്യുന്നു. OYO യുടെ ഏറ്റവും വലിയ ഓഹരി ഉടമകളിൽ ഒരാളാണ് സോഫ്റ്റ്ബാങ്ക്.

വളർച്ചയുടെയും മെച്ചപ്പെട്ട അടിസ്ഥാനകാര്യങ്ങളുടെയും അടിസ്ഥാനത്തിൽ OYO യുടെ ഏറ്റവും പുതിയ Q1 സാമ്പത്തിക പ്രകടനം പ്രോസ്പെക്റ്റീവ് ഫയലിംഗ് പ്രദർശിപ്പിക്കുമെന്ന് ഇൻസൈഡർമാർ സൂചിപ്പിക്കുന്നു. ശക്തമായ പിന്നോക്കാവസ്ഥയിലുള്ള ഹോസ്പിറ്റാലിറ്റി വ്യവസായത്തിന് ഈ നീക്കം ഡബിൾ ഡിജിറ്റ് വളർച്ചാ പാദം കൂടിയാണ് വികസിച്ചുകൊണ്ടിരിക്കുന്ന പോർട്ട്ഫോളിയോയെ ഏകീകരിക്കാൻ ഒരു പുതിയ മാതൃ ബ്രാൻഡ് ഐഡന്റിറ്റി അവതരിപ്പിക്കാനും OYO ഒരുങ്ങുകയാണ്. ഈ വർഷം ആദ്യം OYO സ്ഥാപകനും സിഇഒയുമായ റിതേഷ് അഗർവാൾ തന്റെ സോഷ്യൽ മീഡിയ പ്ലാറ്റ്ഫോമുകൾ വഴി OYO യുടെ മാതൃ സ്ഥാപനമായി Oravel Stays Limited-ന്റെ പേര് നിർദേശിച്ചു. ഗ്രൂപ്പിന്റെ പുതിയ പേരായി ഇത് മാറിയേക്കാം. ഇന്ത്യയിലും ആഗോള വിപണികളിലും ഈ സെഗ്മെന്റ് എക്സ്പോണൻഷ്യൽ വളർച്ച കൈവരിച്ചതിനാൽ OYO അതിന്റെ പ്രീമിയം ഹോട്ടലുകൾക്കും മിഡ്- മാർക്കറ്റ് മുതൽ പ്രീമിയം കമ്പനി-സർവീസ്സ് ഹോട്ടലുകൾക്കുമായി ഒരു പ്രത്യേക ആപ്പ് ആരംഭിക്കുന്നതിനെക്കുറിച്ചും സജീവമായി ആലോചിക്കുന്നു.