സ്‌പൈഡർമാനെ പോലെ നിറം, കുത്തനെയുള്ള ചുമരുകളിൽ ഓടിക്കയറൽ, സ്‌പൈഡർമാൻ പല്ലിയുടെ ഫോട്ടോ വൈറൽ

മാർവൽ സൂപ്പർഹീറോ സ്‌പൈഡർമാനെ പോലെ നിറം, കുത്തനെയുള്ള ചുമരുകളിൽ ഓടിക്കയറൽ, സ്‌പൈഡർമാൻ പല്ലിയുടെ ഫോട്ടോ വൈറലാകുന്നു. ഇന്ത്യൻ ഫോറസ്റ്റ് സർവിസ് (ഐഎഫ്എസ്) ഓഫിസർ സുസാന്ത നന്ദയാണ് ചിത്രം ട്വിറ്ററിൽ പോസ്റ്റ് ചെയ്തിരിക്കുന്നത്. മോൻസ ഫ്‌ളാറ്റ് ഹെഡഡ് അഗാമ ( Mwanza flat-headed rock agama) എന്ന് വിളിക്കപ്പെടുന്ന പല്ലിയുടെ ചിത്രമാണ് ശ്രദ്ധിക്കപ്പെടുന്നത്. സ്‌പൈഡർമാൻ കഥാപാത്രത്തെ പോലെ ചുവപ്പും നീലയും നിറത്തിലുള്ളതിനാൽ ഈ പല്ലിയെ സ്‌പൈഡർമാൻ അഗാമയെന്ന് വിളിക്കാറുണ്ട്.

'യഥാർത്ഥ ജീവിതത്തിലെ സൂപ്പർ ഹീറോ, മോൻസ ഫ്‌ളാറ്റ് ഹെഡഡ് അഗാമ, കുത്തനെയുള്ള ചുമരുകളിൽ കയറുന്നു ഈ സ്‌പൈഡർമാൻ പല്ലി, യഥാർത്ഥ സ്‌പൈഡർമാൻ എന്ന കുറിപ്പോടെയാണ് നന്ദ ചിത്രം പങ്കുവെച്ചിരിക്കുന്നത്.

ടാൻസാനിയ, റവാണ്ട, കെനിയ എന്നിവിടങ്ങളിലാണ് ഈ ജീവിയെ പൊതുവേ കണ്ടുവരാറുള്ളത്. ആൺ പല്ലിയുടെ തല, കഴുത്ത്, തോളുകൾ എന്നീ ഭാഗങ്ങളിൽകടുത്ത വൈലറ്റ് അല്ലെങ്കിൽ ചുവപ്പ് നിറമാണുണ്ടാവുക. മറ്റു ഭാഗം കടുംനീല നിറവുമാണ്. പെൺപല്ലിയുടെ നിറം മിക്കവാറും തവിട്ടു നിറമായിരിക്കും. ആൺ പല്ലിയുടെ ഭംഗി കൊണ്ടാണ് ഇവ പ്രസിദ്ധമായിട്ടുള്ളത്.

Spiderman-like color, running over steep walls, Spiderman lizard's photo viral