ഡൽഹി മുഖ്യമന്ത്രിയുടെ ഓഫീസിലെ​ അംബേദ്​കറുടെയും ഭഗത്​ സിങ്ങി​ന്റെയും ചിത്രം നീക്കിയെന്ന്​​ ആരോപണം

ന്യൂഡൽഹി: ഡൽഹി മുഖ്യമന്ത്രി രേഖ ഗുപ്​തയുടെ ഓഫീസിൽനിന്ന്​ ബി.ആർ അംബേദ്​കറുടെയും ഭഗത്​ സിങ്ങി​െൻറയും ഫോ​ട്ടോകൾ നീക്കിയതായി ആരോപണം. ആം ആദ്​മി പാർട്ടി നേതാവും പ്രതിപക്ഷ നേതാവുമായ അതിഷിയാണ്​ ആരോപണവുമായി രംഗത്തുവന്നത്​. ബിജെപിയുടെ ദലിത്​ വിരുദ്ധ മനോഭാവമാണ്​ ഇത്​ കാണിക്കുന്നതെന്നും അവർ കുറ്റപ്പെടുത്തി.

തിങ്കളാഴ്​ച അതിഷി മുഖ്യമന്ത്രിയുടെ ഓഫീസിലെത്തിയിരുന്നു. ഇതിന്​ പിന്നാലെയാണ്​ ഫോ​ട്ടോ നീക്കിയതായുള്ള ആരോപണം ഉന്നയിക്കുന്നത്​. അരവിന്ദ്​ കെജ്​രിവാൾ മുഖ്യമന്ത്രിയായിരിക്കു​േമ്പാഴാണ്​ ചിത്രങ്ങൾ സ്​ഥാപിച്ചിരുന്നത്​.

‘ബിജെപിയുടെ ദലിത്​ വിരുദ്ധ മനോഭാവം എല്ലാവർക്കും അറിയാവുന്നതാണ്​. ദലിത്​ വിരുദ്ധ മനോഭാവത്തി​െൻറ തെളിവാണ്​ ഇന്ന്​ പുറത്തായിരിക്കുന്നത്​. ഡൽഹി സർക്കാരി​െൻറ എല്ലാ ഓഫീസിലും ബാബാ സാഹിബ്​ അംബേദ്​കറി​െൻറയും ഷഹീദ്​ ഭഗത്​ സിങ്ങി​െൻറയും ചിത്രങ്ങൾ അരവിന്ദ്​ കെജ്​രിവാൾ സ്​ഥാപിച്ചിരുന്നു. ഈ രണ്ട്​ ചിത്രങ്ങളും മുഖ്യമന്ത്രിയുടെ ഓഫീസിൽനിന്ന്​ ബിജെപി ഒഴിവാക്കിയിരിക്കുകയാണ്​. ബിജെപി, ദലിത്​-സിഖ്​ വിരുദ്ധ പാർട്ടിയാണെന്ന്​ ഇത്​ കാണിക്കുന്നു’ -അതിഷി പറഞ്ഞു.

അംബേദ്​കറിനേക്കാളും ഭഗത്​ സിങ്ങിനേക്കാളും വലുതാണ്​ പ്രധാനമന്ത്രി നരേന്ദ്ര മോദിയെന്ന്​ ബിജെപി ചിന്തിക്കുന്നുണ്ടോയെന്നും അവർ ചോദിച്ചു. നിയമസഭയ്​ക്ക്​ പുറത്ത്​ പ്രതിപക്ഷ നേതാവി​െൻറ നേതൃത്വത്തിൽ പ്രതിഷേധവും അരങ്ങേറി. അംബേദ്​കറുടെയും ഭഗത്​ സിങ്ങി​െൻറയും ചിത്രങ്ങൾ നീക്കി രാഷ്​ട്ര പിതാവ്​ മഹാത്​മാ ഗാന്ധി, രാഷ്​ട്രപതി ദ്രൗപതി മുർമു, പ്രധാനമന്ത്രി നരേന്ദ്ര മോദി എന്നിവരുടെ ചി​ത്രങ്ങളാണ്​ നിലവിൽ സ്​ഥാപിച്ചിട്ടുള്ളത്​.