'ഹമാസ് ആക്രമണം അവസാനിപ്പിക്കണം' ഇസ്രായേൽ അക്രമണത്തിന് നേരെ കണ്ണടച്ച് ബൈഡൻ

ഫലസ്തീന് നേരെ ഇസ്രായേൽ നടത്തുന്ന അക്രമണങ്ങൾക്കെതിരെ കണ്ണടച്ച് യു.എസ് പ്രസിഡന്റ് ജോ ബൈഡൻ. ഹമാസ് ആണ് ആക്രമണം നടത്തുന്നതെന്നും ഇ​സ്രായേ​ലി​നു​നേ​രെ ഹ​മാ​സ് ന​ട​ത്തു​ന്ന റോ​ക്ക​റ്റ് ആ​ക്ര​മ​ണം അ​വ​സാ​നി​പ്പി​ക്ക​ണ​മെ​ന്ന് ജോ ​ബൈ​ഡ​ൻ ആ​വ​ശ്യ​പ്പെ​ട്ടു. ഫല​സ്തീ​ൻ പ്ര​സി​ഡ​ന്‍റ് മ​ഹ്മൂ​ദ് അബ്ബാസു​മാ​യി ടെ​ലി​ഫോ​ണി​ലു​ടെ ന​ട​ത്തി​യ ച​ർ​ച്ച​യി​ലാ​ണ് ബൈ​ഡ​ൻ ഇ​ക്കാ​ര്യം ഉന്നയിച്ചത്. ഗാ​സ​യി​ലെ സം​ഘ​ർ​ഷ​ങ്ങ​ൾ സം​ബ​ന്ധി​ച്ചും ഇ​രു​നേ​താ​ക്കളും ച​ർ​ച്ച ചെ​യ്തു. ബൈഡൻ അധികാരത്തിൽ എത്തിയതിന് ശേഷം ത​മ്മി​ൽ ന​ട​ത്തു​ന്ന ആ​ദ്യ ഫോ​ണ്‍ സം​ഭാ​ഷ​ണ​മാ​യി​രു​ന്നു ഇ​ത്.

ഹമാസ്​ കേന്ദ്രങ്ങളെ ലക്ഷ്യമിടുന്നുവെന്ന പേരിൽ ഇസ്രായേൽ തുടരുന്ന അക്രമണത്തിന് പിന്തുണ നൽകുക കൂടിയാണ് ഇതിലൂടെ ബൈഡൻ ചെയ്തിരിക്കുന്നത്. ഗസ്സയിലെ ഹമാസും മറ്റു തീവ്രവാദികളും നടത്തുന്ന റോക്കറ്റാക്രമണങ്ങൾക്കെതിരെ ഇ​സ്രായേലിന്​ സ്വയം പ്രതിരോധിക്കാനുള്ള അവകാശത്തിന്​ ഉറച്ച പിന്തുണ നൽകുന്നുവെന്ന് വൈറ്റ് ഹൗസ് പ്രസ്താവനയിലൂടെ അറിയിച്ചു.

'ഇപ്പോൾ നടക്കുന്ന സംഘർഷം ഇസ്രായേലിലും ഫലസ്​തീനിലും കുട്ടികളുൾപ്പടെ നിരവധി സാധാരണക്കാരുടെ ജീവൻ അപഹരിച്ചിട്ടുണ്ട്​. ഗസ്സയിലെ ഹമാസും മറ്റു തീവ്രവാദികളും നടത്തുന്ന റോക്കറ്റാക്രമണങ്ങൾക്കെതിരെ ഇ​സ്രായേലിന്​ സ്വയം പ്രതിരോധിക്കാനുള്ള അവകാശത്തിന്​ ഉറച്ച പിന്തുണ നൽകുന്നു. ഇസ്രായേലിലുടനീളം പട്ടണങ്ങളും നഗരങ്ങളും ലക്ഷ്യമിട്ട്​ നടത്തുന്ന വിവേചനമില്ലാത്ത ആക്രമണങ്ങളെ അപലപിക്കുകയും ചെയ്യുന്നു'- വൈറ്റ്​ഹൗസ്​ പുറത്തിറക്കിയ പ്രസ്താവനയിൽ നിന്ന്.

അതേസമയം ഇസ്രായേൽ തുടർച്ചയായ ഏഴാം ദിവസവും ഗസ്സക്കു മേൽ ബോംബുവർഷം തുടരുകയാണ്​. 41 കുട്ടികളും 22 സ്​ത്രീകളുമുള്‍പ്പെടെ 150 പേരാണ്​ ഗസ്സയിൽ മാത്രം ഇസ്രായേൽ ആക്രമണങ്ങളിൽ കൊല്ലപ്പെട്ടത്. നിരവധി താമസ സ്ഥലങ്ങള്‍ തകർന്നു. ഹമാസുമായി ചർച്ചകൾക്കൊടുവിൽ ഈജിപ്​ത്​ മുന്നോട്ടുവെച്ച വെടിനിർത്തൽ കരാറും ഇസ്രായേൽ തള്ളി.