പത്തനംതിട്ട ന​ഗരസഭയിൽ കോൺ​ഗ്രസിനെതിരെ ലീ​ഗ് സ്ഥാനാർഥി

പത്തനംതിട്ട: പത്തനംതിട്ട നഗരസഭയിൽ യു ഡി എഫിൽ പൊട്ടിത്തെറി. കുലശേഖരപതി വാർഡിൽ കോൺഗ്രസ്‌ സ്ഥാനാർഥിക്കെതിരെ ലീഗ് മത്സരിക്കും. എംഎഫ്എഫ് ജില്ലാ ജനറൽ സെക്രട്ടറി തൗഫീഖ് കൊച്ചുപറമ്പിലാണ് ലീഗ് സ്ഥാനാർഥി. ലീ​ഗിന്റെ സ്ഥാനാർഥിയെ യു ഡി എഫ് സ്ഥാനാർഥിയായി അംഗീകരിച്ചു കോൺഗ്രസ്‌ പിൻവാങ്ങണമെന്നാണ് ലീഗിന്റെ ആവശ്യം . ഇല്ലെങ്കിൽ നഗരസഭയിൽ ഒറ്റക്ക് മത്സരിക്കുമെന്ന നിലപാടിലാണ് ലീഗ്. പ്രശ്ന പരിഹാരത്തിന് ജില്ലാ കോൺഗ്രസ്‌ നേതൃത്വം ഇടപെട്ടിട്ടുണ്ട്.