കേരളത്തിൽ ഭരണവിരുദ്ധ വികാരം, പിണറായി വിജയനേക്കാൾ പിന്തുണ സതീശന്; എൻഡിടിവി സർവേ

തിരുവനന്തപുരം: കേരളത്തിൽ ഭരണവിരുദ്ധ വികാരം ഉണ്ടെന്ന് എൻഡിടിവി വോട്ട് വൈബ് സർവേ. 50%-ൽ അധികം ജനങ്ങൾ ഭരണത്തിൽ അതൃപ്തി പ്രകടിപ്പിക്കുന്നുണ്ടെന്നാണ് സർവ്വേ ഫലം. 40% ആളുകളാണ് ഭരണം നല്ലതെന്ന് അഭിപ്രായപ്പെടുന്നത്. 31% ആളുകൾ ഭരണം വളരെ മോശം എന്നാണ് പറയുന്നത്.

22% പേർ വി.ഡി സതീശന് പിന്തുണ നൽകുമ്പോൾ പിണറായി വിജയന് 18% പിന്തുണയും സിപിഎം നേതാവ് കെ.കെ ശൈലജക്ക് 16% പിന്തുണയും ലഭിച്ചു. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിന് 14.5% പേരുടെ പിന്തുണ രേഖപ്പെടുത്തിയിട്ടുണ്ട്. യുഡിഎഫ് 32%, എൽഡിഎഫ് 29%, ബിജെപി 19% വോട്ടും നേടുമെന്ന് സർവ്വേ ഫലത്തില്‍ പറയുന്നു.

കേരളത്തിലെ നിയമസഭാ തെരഞ്ഞെടുപ്പുമായി ബന്ധപ്പെട്ട ആധികാരികമായ ആദ്യത്തെ സർവേ ഫലമാണിത്. ഈ ഫലം കേരളത്തിൽ ഭരണമാറ്റമുണ്ടാകുമെന്ന നിഗമനത്തിലേക്കാണ് എത്തുന്നത്. എൻഡിടിവിയുടെ ആദ്യഘട്ട സർവേ ഫലമാണിത്. രണ്ടാം ഘട്ട ഫലം വരുന്നതോടെ കൂടുതൽ വ്യക്തത വരുമെന്ന് പ്രതീക്ഷിക്കപ്പെടുന്നു.