സംശയം; ഭാര്യയുടെ ഇരുകൈകളും വെട്ടിയെടുത്ത് ഭർത്താവ്

പരപുരുഷ ബന്ധം​ ആരോപിച്ച് ഭാര്യയുടെ ഇരു കൈകളും വെട്ടിമാറ്റി ഭർത്താവ്. മധ്യപ്രദേശി​ലെ സാഗർ ജില്ലയിലാണ്​ സംഭവം. വിവാഹം കഴിച്ച് രണ്ടുമാസം പിന്നിടവേയാണ്​ ഞെട്ടിക്കുന്ന സംഭവം.

ഭോപ്പാലിലെ ഹമീദിയ ​ആശുപത്രിയിൽ പ്രവേശിപ്പിച്ച ഭാര്യയുടെ കൈകൾ ഒമ്പത്​ മണിക്കൂർ നീണ്ട ശസ്​ത്രക്രിയക്കൊടുവിൽ ഡോക്​ടർമാർ തുന്നിച്ചേർത്തു. കൈകൾ പ്രവർത്തനക്ഷമമാകുമോ എന്ന്​​ മനസ്സിലാക്കാൻ ഏതാനും ദിവസങ്ങൾ എടുക്കുമെന്ന്​ ഡോക്​ടർമാർ അറിയിച്ചു.

തിങ്കളാഴ്ച വൈകീട്ടോടെ വീടിനടുത്തുള്ള കാട്ടിലേക്ക്​ വിറക്​ശേഖരിക്കാനെന്ന്​ ​പറഞ്ഞ്​ ഭാര്യയെ കൊണ്ടുപോയ ശേഷം കോടാലിയുപയോഗിച്ച്​ വെട്ടുകയായിരുന്നു. വിവാഹം കഴിഞ്ഞ്​ ദിവസങ്ങൾക്കുള്ളിൽ തന്നെ പരപുരുഷ ബന്ധം​ ആരോപിച്ച്​​ പീഡിപ്പിച്ചിരുന്നതായി യുവതി പറഞ്ഞു.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക