ഗസ്സയിൽ ക്രിമിനൽ സംഘങ്ങൾക്ക്​ രൂപം നൽകിയതായി സമ്മതിച്ച്​ ഇസ്രായേൽ; പണവും ആയുധങ്ങളും സംഘങ്ങൾക്ക്​ കൈമാറി

​ഗസ്സ സിറ്റി:ഗസ്സയിൽ പണവും ആയുധങ്ങളും നൽകി ക്രിമിനൽ സംഘങ്ങൾക്ക്​ രൂപം നൽകിയതായി സമ്മതിച്ച്​ ഇസ്രായേൽ. കിഴക്കൻ റഫ കേന്ദ്രീകരിച്ചാണ്​ സായുധ ക്രിമിനൽ സംഘങ്ങളുടെ പ്രവർത്തനമെന്ന്​ ഇസ്രായേൽ മുൻ പ്രതിരോധ മന്ത്രി അവിഗ്​ദോർ ലീബർമാൻ വെളിപ്പെടുത്തി.

പണവും ആയുധങ്ങളും സംഘങ്ങൾക്ക്​ കൈമാറാൻ ഇസ്രായേൽ പ്രധാനമന്ത്രി ബിന്യമിൻ നെതന്യാഹു തന്നെയാണ്​ സൈന്യത്തിന്​ നിദേശം നൽകിയതെന്നും ലീബർമാൻ പറഞ്ഞു. ഐഎസ് ​ഭീകരസംഘടനയുമായി ബന്ധമുള്ള യാസിർ അബൂ ശബാബ് വഴിയാണ് ക്രിമിനൽ സംഘങ്ങൾക്ക്​ ​ ആയുധങ്ങൾ കൈമാറിയത്​.

ഹമാസിനെ ദുർബലപ്പെടുത്തുകയെന്ന ലക്ഷ്യത്തോടെയാണെങ്കിലും ഭാവിയിൽ ക്രിമിനൽ സംഘങ്ങളുടെ വളർച്ച ഇസ്രായേലിന് തന്നെ തിരിച്ചടിയായേക്കുമെന്ന്​ ലീബർമാൻ പറഞ്ഞു.

20​ മാസങ്ങൾ പിന്നിട്ടിട്ടും ഫലസ്​തീൻ ചെറുത്തുനിൽപ്പിനെ അമർച്ച ചെയ്യാൻ കഴിയാത്ത ഇസ്രായേലിൻറെ നിസ്സഹായതയാണ്​ ഇത്തരം നടപടികളിലൂടെ പ്രകടമാകുന്നതെന്ന്​ ഹമാസ്​ പ്രതികരിച്ചു. ഗസ്സയിലെ ഇസ്രായേൽ അനുകൂല സായുധ സംഘത്തെ കുറിച്ചുള്ള വാർത്ത ശരിവെച്ച പ്രധാനമന്ത്രി നെതന്യാഹു, ഇത്​ വിവാദമാക്കിയവർ ഹമാസിനെ തുണക്കുന്നവരാണെന്നും കുറ്റപ്പെടുത്തി.

അതിനിടെ, ഗ​സ്സ മു​ന​മ്പി​ൽ അ​ടി​യ​ന്ത​ര​ വെ​ടി​നി​ർ​ത്ത​ൽ ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് യു. എ​ൻ രക്ഷാസമിതിയി​ൽ അ​വ​ത​രി​പ്പി​ച്ച പ്ര​മേ​യം യു എസ്​ വീറ്റോയെ തുടർന്ന്​ പരാജയപ്പെട്ടെങ്കിലും പൊതുസഭയിലും ലോക രാജ്യങ്ങളെ അണിനിരത്താനുള്ള നീക്കം ശക്​തമാണ്​. പ്രമേയം വീറ്റോ ചെയ്ത യു. എ​സ് ന​ട​പ​ടി​യെ രക്ഷാസമിതിയിലെ അം​ഗ രാ​ജ്യ​ങ്ങ​ളും ക​ടു​ത്ത ഭാ​ഷ​യി​ൽ വി​മ​ർ​ശി​ച്ചു.

ഗസ്സയിൽ ഇസ്രായേലിൻറെ ആക്രമണവും ഉപരോധവും ശക്​തമായി തുടരുകയാണ്​. ഗസ്സ സിറ്റിയിലെ അഹ്‍ലി ആശുപത്രിക്ക് നേരെ ഇസ്രായേൽ നടത്തിയ ആക്രമണത്തിൽ നാല് മാധ്യമ പ്രവർത്തകർ കൊല്ലപ്പെട്ടു. ഇതോടെ ഗസ്സയിൽ ഇസ്രായേൽ കൊന്നുതള്ളിയ മാധ്യമ പ്രവർത്തകരുടെ എണ്ണം 225 ആയി.

ഗസ്സ മുനമ്പിൽ ഇന്നലെ മാത്രം 70 പേർക്കാണ് ജീവൻ നഷ്ടപ്പെട്ടത്. ഗ​സ്സ​യി​ൽ ബ​ന്ദി​യാ​ക്ക​പ്പെ​ട്ട ര​ണ്ട് ഇ​സ്രാ​യേ​ൽ-​അ​മേ​രി​ക്ക​ൻ പൗ​ര​ന്മാ​രു​ടെ മൃ​ത​ദേ​ഹ​ങ്ങ​ൾ ക​ണ്ടെ​ടു​ത്ത​താ​യി ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു പറഞ്ഞു. 70കാ​രി​യാ​യ വെ​യ്ൻ‌​സ്റ്റൈ​നും 72 വ​യ​സ്സു​ള്ള ഹ​ഗ്ഗാ​യി​യും ഒ​ക്ടോ​ബ​ർ ഏ​ഴി​ന് ഹ​മാ​സ് ന​ട​ത്തി​യ ആ​ക്ര​മ​ണ​ത്തി​ലാ​ണ് കൊ​ല്ല​പ്പെ​ട്ട​തെ​ന്നും ഇ​വ​രു​ടെ മൃ​ത​ദേ​ഹ​ങ്ങ​ൾ ഹമാസ്​ ഗ​​സ്സ​​യി​ലേ​ക്ക് കൊ​ണ്ടു​പോ​യെന്നും സൈന്യം അറിയിച്ചു.