വെടിനിർത്തൽ നിലവിൽ വന്നതിന്റെ പതിനെട്ടാം നാളിലും ദുരിതത്തിന് അറുതിയില്ലാതെ ഫലസ്തീൻ ജനത

ദുബൈ: വെടിനിർത്തൽ നിലവിൽ വന്നതിന്റെ പതിനെട്ടാം നാളിലും ഫലസ്തീൻ ജനതയുടെ ദുരിതത്തിന്​ അറുതിയായില്ല. ടെൻറുകൾ ഉൾപ്പെടെ താൽക്കാലിക വസതികൾ ഗസ്സി​യിലേക്ക്​ അയക്കുന്നതിനും ഇ​സ്രാ​യേൽ വിലക്കേർപ്പെടുത്തിയിരിക്കുകയാണ്. ഒരു ബന്ദിയുടെ മൃതദേഹം കൂടി ഹമാസ്​ ഇസ്രായേലിന്​ കൈമാറി. ഇ​സ്രായേൽ കൈമാറിയ തിരിച്ചറിയാനാകാത്ത മൃത​ദേഹങ്ങൾ ഫലസ്തീനികൾ കൂട്ടമായി സംസ്കരിച്ചു. ഗസ്സയി​ലേക്കുള്ള അന്താരാഷ്ട്ര ​സേനയിൽ ഏതൊക്കെ രാജ്യങ്ങൾ ​വേണമെന്ന്​ ഇ​സ്രയേൽ തീരുമാനിക്കുമെന്ന്​ ​പ്രധാനമ​ന്ത്രി ബിന്യമിൻ ​നെതന്യാഹു.

വെ​ടി​നി​ർ​ത്ത​ൽ പ്രാ​ബ​ല്യ​ത്തി​ൽ​വ​ന്ന്​ 18 ദിവസങ്ങളായിട്ടും ഗ​സ്സ ജ​ന​ത​യു​ടെ ദു​രി​തചി​ത്രം അ​വ​സാ​നി​ക്കു​ന്നി​ല്ല. ഗ​സ്സ ഉ​പ​രോ​ധം പൂ​ർ​ണ​മാ​യും പി​ൻ​വ​ലി​ക്കാനും റഫ ഉൾപ്പെ​ടെ അതിർത്തികൾ തുറക്കാനും ഇസ്രായേൽ ഇനിയും വിസമ്മതിക്കുകയാണ്​​. പ​ല​യി​ട​ത്തേ​ക്കും ഇ​പ്പോ​ഴും ഭ​ക്ഷ്യ​സ​ഹാ​യം എ​ത്തു​ന്നി​ല്ല. ദ​ക്ഷി​ണ ഗ​സ്സ​യി​ലേക്ക്​ പരിമിത സഹായം പോലും എത്തുന്നില്ല. ടെന്‍റുകൾ, താൽക്കാലിക മൊ​ബൈൽ താമസ ​കേന്ദ്രങ്ങൾ എന്നിവ ഗസ്സയിലേക്ക്​ എത്തിക്കാനും വിലക്ക്​ മൂലം കഴിയുന്നില്ലെന്ന് യു.എൻ ഏജൻസികൾ വ്യക്​തമാക്കി. ഗസ്സയിൽ 15 ലക്ഷം ​പേ​ർക്കെങ്കിലും താൽക്കാലിക താമസ സൗകര്യം ​വേണ്ടതുണ്ടെന്ന്​ കഴിഞ്ഞ ദിവസം യു.എൻ വ്യക്​തമാക്കിയിരുന്നു. ഭക്ഷണം, കുടിവെള്ളം, മരുന്ന്​ ഉൾപ്പെ​ടെ അവശ്യ വസ്തുക്കളുടെ സഹായം തീർത്തും പരിമിത ​തോതിൽ മാത്രമാണ്​ ഗസ്സയിലേക്ക്​ അനുവദിക്കുന്നത്​.

അതിനിടെ, ഒരു ഇസ്രാ​യേൽ ബന്ദിയുടെ മൃതദേഹം കൂടി ഇന്നലെ രാ​ത്രി ഹമാസ്​ റെഡ്ക്രോസ്​ വഴി ഇസ്രായേലിന്​ കൈമാറി. ഇനി 12 മൃത​​ദേഹങ്ങൾ കൂടിയാണ്​ ബാക്കിയുള്ളത്​. ഇവ ക​ണ്ടെത്താൻ ഈജിപ്തി​ന്‍റെയും​ റെഡ്​ ​ക്രോസിന്‍റെയും സഹായത്തോ​ടെ ഖാൻ യൂനുസിലും മറ്റും വ്യാപക പരിശോധന തുടരുകയാണ്​. പീഡിപ്പിച്ചു ​കൊല​പ്പെടുത്തിയ 15 േപരു​ടെ മൃതദേഹങ്ങൾ കൂടി ഇ​സ്രയേൽ ഹമാസിന്​ ​കൈമറി. തിരിച്ചറിയാൻ കഴിയാത്ത ഭൂരിഭാഗം മൃതദേഹങ്ങളും ഗസ്സയിൽ കൂട്ടമായി സംസ്കരിച്ചു. യുദ്ധാനന്തര ഗസ്സയിലെ സർക്കാർ, വി​ദേശ ​സേനയു​ടെ സ്വഭാവം എന്നിവയുടെ കാര്യത്തിൽ ഇനിയും തീരുമാനമായില്ല. വിദേശ സേനയിൽ ആരൊക്കെ വേണം എന്ന കാര്യത്തിൽ തീരുമാനമെടുക്കാൻ യു.എസിന് അവകാശമില്ലെന്നും അക്കാര്യം ഇസ്രായേൽ മാത്രം നിർണ്ണയിക്കുമെന്നും പ്രധാനമന്ത്രി ബിനമിൻ നെതന്യാഹു മന്ത്രിസഭാ യോഗത്തിൽ പറഞ്ഞു. യു.എസും ഈ നയത്തെ പിന്തുണയ്ക്കുന്നതായി അദ്ദേഹം കൂട്ടിച്ചേർത്തു. , തുർക്കിയ സുരക്ഷസേനക്ക് ഗസ്സയിൽ ഒരു പങ്കും ഉണ്ടാകില്ലെന്ന് കഴിഞ്ഞ ദിവസം നെതന്യാഹു വ്യക്​തമാക്കിയിരുന്നു. , ഈജിപ്ത്, ഇന്തോനേഷ്യ, ഗൾഫ് രാജ്യങ്ങളിൽനിന്നുള്ള സൈന്യം ഇതിൽ ഉൾപ്പെട്ടേക്കാം എന്നാണ്​ വിവരം.