ഒരു കമ്പനി, തങ്ങളുടെ ജീവനകാർക്ക് നൽകിയ വാർഷിക ബോണസ് കേട്ട് കണ്ണ് തള്ളിയിരിക്കുകയാണ് സോഷ്യൽ മീഡിയ. 270 മില്യൺ യുവാൻ ലാഭത്തിൽ നിന്ന് 180 മില്യൺ യുവാൻ (235.82 കോടി രൂപ) വർഷാവസാന ബോണസായി വിതരണം ചെയ്തുകൊണ്ടാണ് ഒരു ചൈനീസ് സ്ഥാപനം ഓൺലൈനിൽ ശ്രദ്ധ പിടിച്ചുപറ്റിയത്. സൗത്ത് ചൈന മോണിംഗ് പോസ്റ്റ് പ്രകാരം , ഹെനാൻ കുവാങ്ഷാൻ ക്രെയിൻ കമ്പനി ലിമിറ്റഡ് ഫെബ്രുവരി 13 ന് നടത്തിയ വാർഷിക ആഘോഷത്തിലാണ് സംഭവം. 60 മില്യൺ യുവാൻ (8.7 മില്യൺ യുഎസ് ഡോളർ) ക്യാഷ് ബോണസായി നേരിട്ട് ജീവനക്കാർക്ക് നൽകി.
ഏകദേശം 7,000 പേർക്ക് പങ്കെടുക്കാവുന്ന 800 മേശകൾ സജ്ജീകരിച്ച പരിപാടിയിൽ, ജീവനക്കാർക്ക് അവരുടെ പ്രതിഫലം സ്വീകരിക്കാൻ വേദിയിലേക്ക് വരാൻ അവസരവും ലഭിച്ചു.
സോഷ്യൽ മീഡിയയിൽ പ്രചരിക്കുന്ന വീഡിയോകളിൽ ജീവനക്കാർ നീളമുള്ള മേശകളിൽ വെച്ചിരിക്കുന്ന പണം എണ്ണുന്നത് കാണാം, മറ്റുള്ളവർ വേദിയിൽ നിന്ന് നോട്ടുകളുടെ കെട്ടുകൾ പോകുന്നതും വ്യക്തമാണ്.
ആഘോഷത്തിനിടെ ബോസ് കുയി പെയ്ജുൻ വേദിയിലേക്ക് വരുകയും ധനകാര്യ സംഘത്തോട് കാര്യങ്ങൾ ചോദിക്കുകയും ചെയ്യുന്നു. "നമ്മൾ എന്തിനാണ് വാഷിംഗ് മെഷീനുകൾ നൽകുന്നത്?, സ്വർണ വില ഉയർന്നുവെന്ന് നിങ്ങൾ കരുതുന്നുണ്ടോ? മുൻ വർഷങ്ങളിൽ, ഞങ്ങൾ മാലകളും മോതിരങ്ങളും നൽകി, പണം കൊണ്ടുവന്ന് എല്ലാവർക്കും 20,000 യുവാൻ (2,800 യുഎസ് ഡോളർ) കൂടി നൽകി."
ഓൺലൈനായി നൽകുന്ന ബോണസുകൾ കൂടി ഉൾപ്പെടുത്തിയാൽ, സ്ഥാപനത്തിന്റെ ആകെ വർഷാവസാന പേഔട്ടുകൾ 180 ദശലക്ഷം യുവാൻ കവിഞ്ഞു. ഓൺലൈനായി നൽകുന്ന ബോണസുകൾ കൂടി ഉൾപ്പെടുത്തിയാൽ, സ്ഥാപനത്തിന്റെ ആകെ വർഷാവസാന പേഔട്ടുകൾ 180 ദശലക്ഷം യുവാൻ കവിഞ്ഞു.
2002 സെപ്റ്റംബറിൽ സ്ഥാപിതമായ ഈ സ്ഥാപനത്തിന്റെ 2025 ലെ ലാഭം 270 ദശലക്ഷം യുവാൻ ആയിരുന്നു, അതായത് അതിൻ്റെ ഏകദേശം 70% തുകയും 7,000 ജീവനക്കാർക്കിടയിൽ വിതരണം ചെയ്യപ്പെട്ടു എന്ന് സൗത്ത് ചൈന മോണിംഗ് പോസ്റ്റ് റിപ്പോർട്ട് ചെയ്യുന്നു.
ലോകമെമ്പാടുമുള്ള 130-ലധികം രാജ്യങ്ങളിലെ ക്രെയിനുകൾ, മെറ്റീരിയൽ കൈകാര്യം ചെയ്യൽ എന്നിവയ്ക്കായി കമ്പനി സേവനങ്ങൾ നൽകുകയും ചെയ്യുന്നു. കമ്പനിയുടെ ഏകദേശം 98.88% ഓഹരികളും കുയിയുടെ കൈവശമാണ്.
2024-ൽ കമ്പനി 260 ദശലക്ഷം യുവാൻ (344.46 കോടി രൂപ) ലാഭം രേഖപ്പെടുത്തിയപ്പോൾ, 170 ദശലക്ഷം യുവാൻ ജീവനക്കാരുമായി പങ്കിട്ടു.
മാർച്ചിന്റെ തുടക്കത്തിൽ, അന്താരാഷ്ട്ര വനിതാ ദിനത്തോടനുബന്ധിച്ച്, കമ്പനി 2,000 വനിതാ ജീവനക്കാർക്ക് ഏകദേശം 1.6 ദശലക്ഷം യുവാൻ (230,000 യുഎസ് ഡോളർ) ബോണസായി നൽകിയിരുന്നു. കമ്പനിയുടെ പതിവ് ക്യാഷ് റിവാർഡുകൾ കണ്ട് നെറ്റിസൺമാർ "പണം നൽകാൻ ഏറ്റവും ഇഷ്ടപ്പെടുന്ന മുതലാളി" എന്നുവരെ വിളിക്കാൻ തുടങ്ങി.