കല്പ്പറ്റ മണ്ഡലത്തില് വോട്ടെണ്ണല് ഒന്നാം റൗണ്ട് കടക്കുമ്പോള് തന്നെ യുഡിഎഫ് പ്രകടനം ആരംഭിക്കുമെന്ന് കല്പ്പറ്റയിലെ യു.ഡി.എഫ് സ്ഥാനാര്ഥി ടി സിദ്ധിഖ്. യു.ഡി.എഫ് സര്ക്കാര് ഉറപ്പായും അധികാരത്തിലേറുമെന്നും വയനാട്ടിലെ മൂന്ന് മണ്ഡലങ്ങളിലും യു.ഡി.എഫ് വമ്പിച്ച വിജയം നേടുമെന്നും സിദ്ധിഖ് പറഞ്ഞു.
ലോക് താന്ത്രിക് ജനതാദൾ സംസ്ഥാന പ്രസിഡന്റ് എം.വി. ശ്രേയാംസ് കുമാറാണ് ഇവിടുത്ത എല്.ഡി.എഫ് സ്ഥാനാര്ത്ഥി.
2016-ൽ 13,083 വോട്ടിനാണ് സി.പി.എമ്മിലെ സി.കെ. ശശീന്ദ്രൻ തെരഞ്ഞെടുക്കപ്പെട്ടത്. സോഷ്യലിസ്റ്റുകളും കോൺഗ്രസും മാറിമാറി ജയിച്ച മണ്ഡലത്തിൽ അങ്ങനെ സി.പി.എമ്മിന്റെ കൊടിപാറി. ലോക്സഭാ തെരഞ്ഞെടുപ്പിൽ ആഞ്ഞുവീശിയ രാഹുൽ തരംഗത്തിൽ കല്പറ്റ മണ്ഡലത്തിൽ 63,754 വോട്ടിന്റെ മേൽക്കൈയാണ് യു.ഡി.എഫ്. നേടിയിരുന്നു.