എന്താണ് ബറോസ്? ആരൊക്കെയാണ് താരങ്ങള്? മോഹന്ലാല് വിശദീകരിക്കുന്നു
സ്പാനിഷ് അഭിനേത്രി പാസ് വേഗ, സ്പാനിഷ് നടന് റാഫേല് അമര്ഗോ എന്നിവര് പ്രധാന കഥാപാത്രങ്ങളായി സിനിമയിലുണ്ടാകും.
താന് ആദ്യമായി സംവിധാനം ചെയ്യുന്ന സിനിമ ബറോസിന്റെ കൂടുതല് വിശദാംശങ്ങള് പുറത്തുവിട്ട് മോഹന്ലാല്. സ്പാനിഷ് അഭിനേത്രി പാസ് വേഗ, സ്പാനിഷ് നടന് റാഫേല് അമര്ഗോ എന്നിവര് പ്രധാന കഥാപാത്രങ്ങളായി സിനിമയിലുണ്ടാകും.
വാസ്കോ ഡ ഗാമയുടെ റോളിലാണ് റഫേല് അമര്ഗോ അഭിനയിക്കുന്നത്. വാസ്കോ ഡ ഗാമയുടെ ഭാര്യയുടെ റോളിലാണ് പാസ് വേഗ. ഗാര്ഡിയന് ഓഫ് ഡി ഗാമാസ് ട്രഷര് എന്നാണ് സിനിമയുടെ ടാഗ് ലൈന്. വാസ്കോ ഡ ഗാമയുടെ നിധികളുടെ സൂക്ഷിപ്പുകാരനെ കേന്ദ്രീകരിച്ചാണ് സിനിമ. മോഹന്ലാലാണ് ബറോസ് എന്ന നിധിസൂക്ഷിപ്പുകാരനായി എത്തുന്നത്. വാസ്കോ ഡ ഗാമയുടെ പിന്ഗാമിയെന്ന് അവകാശപ്പെട്ട് ഒരു കുട്ടി എത്തുന്നു. ബറോസും കുട്ടിയും തമ്മിലുള്ള ബന്ധമാണ് സിനിമയുടെ മുഖ്യ പ്രമേയം. ഗാമയുടെ കാലത്തെ കടല് മാര്ഗമുള്ള വ്യാപാരം ഉള്പ്പെടെയുള്ള ചരിത്രവും സിനിമയില് ചര്ച്ചയാകും.
ജിജോ പുന്നൂസ് കഥയും തിരക്കഥയും ഒരുക്കിയത്. കെ.യു മോഹനനനാണ് സിനിമയുടെ ഛായാഗ്രാഹകന്. ഗോവ, പോര്ച്ചുഗല് തുടങ്ങിയ സ്ഥലങ്ങളിലാണ് ചിത്രീകരണം. ത്രി ഡി ചിത്രമായാണ് ബറോസ് എത്തുക. ഒക്ടോബറില് ചിത്രീകരണം തുടങ്ങും.
Barroz
Posted by Mohanlal on Sunday, July 28, 2019