പൊലീസുകാരനായി ഷെയ്ൻ നിഗം, ത്രില്ലടിപ്പിക്കാൻ പ്രിയദർശന്റെ 'കൊറോണ പേപ്പേഴ്സ്': ട്രെയ്ലർ പുറത്തിറങ്ങി
ത്രില്ലർ പശ്ചാത്തലത്തിൽ ഒരുങ്ങുന്ന ചിത്രത്തിൽ അന്വേഷണ ഉദ്യോഗസ്ഥനായാണ് ഷെയ്ൻ നിഗം എത്തുന്നത്. ചിത്രം ഏപ്രിലിൽ തിയേറ്ററുകളിലെത്തും
Update: 2023-03-26 14:56 GMT
യുവതാരങ്ങളായ ഷെയ്ന് നിഗം, ഷൈന് ടോം ചാക്കോ എന്നിവരെ കേന്ദ്ര കഥാപാത്രങ്ങളാക്കി പ്രിയദര്ശന് സംവിധാനം ചെയ്യുന്ന പുതിയ ചിത്രം കൊറോണ പേപ്പേഴ്സിന്റെ ട്രെയ്ലർ പുറത്തിറങ്ങി. പൂർണ്ണമായും ത്രില്ലർ പശ്ചാത്തലത്തിൽ ഒരുങ്ങുന്ന ചിത്രത്തിൽ അന്വേഷണ ഉദ്യോഗസ്ഥനായാണ് ഷെയ്ൻ നിഗം എത്തുന്നത്. ചിത്രം ഏപ്രിലിൽ തിയേറ്ററുകളിലെത്തും.
ശ്രീഗണേഷിന്റേതാണ് കഥ. ചിത്രത്തിന് തിരക്കഥയൊരുക്കിയിക്കുന്നതും ഫോര് ഫ്രെയിംസ് ബാനറില് നിര്മിച്ചിരിക്കുന്നതും പ്രിയദര്ശന് തന്നെയാണ്. എന്.എം ബാദുഷയാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസര്. ന്നാ താന് കേസ് കൊട് എന്ന ചിത്രത്തിന് ശേഷം ഗായത്രി ശങ്കര് നായികയായി എത്തുന്നുവെന്ന പ്രത്യേകതയും ചിത്രത്തിനുണ്ട്. സിദ്ധിഖ്, സന്ധ്യ ഷെട്ടി, പി പി കുഞ്ഞികൃഷ്ണന്, മണിയന് പിള്ള രാജു, ജീൻ പോൾ ലാൽ, ശ്രീ ധന്യ, വിജിലേഷ്, മേനക സുരേഷ് കുമാര്, ബിജു പാപ്പന്, ശ്രീകാന്ത് മുരളി, എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ദിവാകര് എസ് മണി ഛായാഗ്രാഹണം നിര്വഹിക്കുന്ന ചിത്രത്തിന്റെ എഡിറ്റിംങ് എം.എസ് അയ്യപ്പന് നായര് ആണ്. സംഗീതം കെ. പി, പ്രൊഡക്ഷന് കോര്ഡിനേറ്റര്-ഷാനവാസ് ഷാജഹാന്, സജി, കലാസംവിധാനം- മനു ജഗത്, പ്രൊഡക്ഷന് കണ്ട്രോളര്- നന്ദു പൊതുവാള്, കോസ്റ്റ്യൂം ഡിസൈനര്- സമീറ സനീഷ്, മേക്കപ്പ്- രതീഷ് വിജയന്, ആക്ഷന്- രാജശേഖര്, സൗണ്ട് ഡിസൈന്- എം.ആര് രാജാകൃഷ്ണന്, പി.ആര്.ഒ ആതിര ദില്ജിത്ത് എന്നിവരാണ് മറ്റ് അണിയറപ്രവര്ത്തകര്.