നൃത്ത സംവിധായകൻ കൂൾ ജയന്ത്​ അന്തരിച്ചു

പ്രശസ്​ത നൃത്ത സംവിധായകൻ കൂൾ ജയന്ത്​ അന്തരിച്ചു. 52 വയസായിരുന്നു. അർബുദ ബാധയെ തുടർന്ന്​ ചികിത്സയിലിരിക്കേയാണ്​​ അന്ത്യം. ജയരാജ്​ എന്നാണ്​ യഥാർഥ പേര്​. തമിഴും മലയാളവുമടക്കം വിവിധ ഭാഷകളിലായി 800ലധികം ചിത്രങ്ങൾക്ക്​ ചുവടുകളൊരുക്കിയിട്ടുണ്ട്. 

പ്രഭുദേവ, രാജു സുന്ദരം എന്നിവരുടെ അസിസ്റ്റന്‍റായിട്ടാണ് കൂള്‍ ജയന്ത് സിനിമയിലെത്തുന്നത്. 1996ൽ പുറത്തിറങ്ങിയ 'കാതൽദേശം' ആണ്​ ആദ്യ സിനിമ. എ.ആർ. റഹ്​മാൻ സംഗീത സംവിധാനം നിർവഹിച്ച ചിത്രത്തിലെ ഗാനങ്ങൾ വമ്പൻ ഹിറ്റായിരുന്നു. 'മുസ്​തഫ', 'കല്ലൂരി സാലൈ' തുടങ്ങിയ ഗാനങ്ങളിലൂടെ കൂള്‍ ജയന്തും പ്രശസ്തി നേടി. 

'കോ​ഴി രാജ' എന്ന സിനിമയിലൂടെ അഭിനയ രംഗത്തേക്കും കാൽവെച്ചിരുന്നു. കൂള്‍ ജയന്തിന്‍റെ നിര്യാണത്തില്‍ സിനിമ- സാംസ്കരിക രംഗത്തെ നിരവധി പ്രമുഖരാണ് അനുശോചനമറിയിച്ചത്.