കുതിച്ചുപായാൻ ഒമാൻ..; 2,525 കി.മീ. റോഡുകൾക്ക് 2026 ബജറ്റിൽ 270 കോടി റിയാൽ
മസ്കത്ത് എക്സ്പ്രസ് വേ വികസനം ഈ വർഷം തുടങ്ങും
Update: 2026-01-02 12:44 GMT
മസ്കത്ത്: 2026 ലെ ഒമാൻ ബജറ്റിൽ ഏകദേശം 2,525 കിലോമീറ്റർ റോഡുകൾക്കായി 270 കോടി റിയാൽ വകയിരുത്തി. വിവിധ ഗവർണറേറ്റുകളിലെ പ്രധാന, ആഭ്യന്തര റോഡുകൾക്കാണ് ബജറ്റിൽ വൻ തുക വകയിരുത്തിയത്. മസ്കത്ത് എക്സ്പ്രസ് വേ റോഡ് പദ്ധതിയുടെ വികസനം ഈ വർഷം ആരംഭിക്കും.
സുൽത്താൻ ഫൈസൽ ബിൻ തുർക്കി റോഡ് (ഖസബ് - ദിബ്ബ - ലിമ), സുൽത്താൻ സഈദ് ബിൻ തൈമൂർ റോഡ് (ആദം - തുംറൈത്ത്), അൽ കാമിൽ വൽ വാഫിയിൽ നിന്ന് സൂറിലേക്കുള്ള സുൽത്താൻ തുർക്കി ബിൻ സഈദ് റോഡ്, അൽ അൻസാബ്-അൽ ജിഫ്നൈൻ റോഡ്, റയ്സൂത്ത് - അൽ മുഗ്സൈൽ റോഡ്, ഹർവീബ് - മിതാൻ റോഡ്, നിസ്വയിലെ ഫർക്കിൽ നിന്ന് ഹെറിറ്റേജ് ഡിസ്ട്രിക്റ്റിലേക്കുള്ള കാര്യേജ് വേ എന്നിവയാണ് പൂർത്തീകരിക്കാനുള്ള റോഡുകൾ.
ഒമാന്റെ ടൂറിസം, ലോജിസ്റ്റിക്സ്, മറ്റ് സാമ്പത്തിക മേഖലകൾ എന്നിവക്ക് പ്രധാന റോഡ് പദ്ധതികളുടെ പൂർത്തീകരണം നിർണായകമാണ്. അതിനാലാണ് 2026 ലെ ബജറ്റിൽ തുക വകയിരുത്തിയത്.