ഒമാന്റെ വ്യാ​വ​സാ​യി​ക ക​യ​റ്റു​മ​തി​യി​ൽ വ​ർ​ധ​ന

മസ്കത്ത്: ഒ​മാ​ന്റെ വ്യാ​വ​സാ​യി​ക ക​യ​റ്റു​മ​തി​യി​ൽ ഈ ​വ​ർ​ഷ​ത്തെ ആ​ദ്യ പാ​ദ​ത്തി​ൽ മികച്ച വ​ർ​ധ​ന​​. ദേ​ശീ​യ സ്ഥി​തി വി​വ​ര കേ​ന്ദ്ര​ത്തി​ന്റെ റി​പ്പോ​ർ​ട്ട് പ്ര​കാ​രം 8.6 ശ​ത​മാ​ന​ത്തി​ന്റെ വ​ർ​ധ​ന​വാ​ണ് രേഖപ്പെടുത്തിയത്. അതായത് ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വി​ൽ 1.4 ശ​തകോ​ടി റി​യാ​ലാ​യി​രു​ന്നെ​ങ്കി​ൽ ഈ ​വ​ർ​ഷ​മി​ത് 1.6 ശ​തകോ​ടി റി​യാ​ലി​ലെ​ത്തി. ഇ​ല​ക്ട്രി​ക്ക​ൽ ഉ​പ​ക​ര​ണ​ങ്ങ​ളു​ടെ​യും യ​ന്ത്ര​സാ​മ​ഗ്രി​ക​ളു​ടെ​യും നി​ർ​മ്മാ​ണ മേ​ഖ​ലയിൽ 141ശ​ത​മാ​നത്തിന്റെ അ​സാ​ധാ​ര​ണ​മാ​യ വ​ള​ർ​ച്ച​യുണ്ടായിട്ടുണ്ട്.

2024 ലെ ​ആ​ദ്യ പാ​ദ​ത്തി​ലെ 53 ദ​ശ​ല​ക്ഷം റി​യാ​ലി​ൽ​നി​ന്ന് ക​യ​റ്റു​മ​തി 128 ദ​ശ​ല​ക്ഷം റി​യാ​ലാ​യി ഉ​യ​ർ​ന്നു. ഉ​യ​ർ​ന്ന നി​ല​വാ​ര​മു​ള്ള ഒ​മാ​നി ഉ​ൽ​പ​ന്ന​ങ്ങ​ൾ​ക്കാ​യു​ള്ള അ​ന്താ​രാ​ഷ്ട്ര ഡി​മാ​ൻ​ഡ് വ​ർ​ധി​ച്ച​തി​നാ​ൽ ലോ​ഹ ഉ​ൽ​പന്ന മേ​ഖ​ല ക​യ​റ്റു​മ​തി​യി​ൽ 14.1 ശ​ത​മാ​നം വ​ർ​ധ​ന​വ് രേ​ഖ​പ്പെ​ടു​ത്തി.ഒ​മാ​ന്റെ വ്യാ​വ​സാ​യി​ക മേ​ഖ​ല​യു​ടെ ശ​ക്തി​യും വൈ​വി​ധ്യ​വു​മാ​ണ് ഈ ​ന​ല്ല ഫ​ല​ങ്ങ​ൾ പ്ര​തി​ഫ​ലി​പ്പി​ക്കു​ന്ന​തെ​ന്ന് വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യ​ത്തി​ലെ വ്യ​വ​സാ​യ ഡ​യ​റ​ക്ട​ർ ജ​ന​റ​ൽ ഖാ​ലി​ദ് ബി​ൻ സാ​ലിം അ​ൽ ഖ​സ്സാ​ബി പ​റ​ഞ്ഞു. വ്യാ​വ​സാ​യി​ക ക​യ​റ്റു​മ​തി വ​ർ​ധി​പ്പി​ക്കു​ന്ന​തി​നൊ​പ്പം പ്രാ​ദേ​ശി​ക, ആ​ഗോ​ള വി​പ​ണി​ക​ളി​ൽ ഒ​മാ​നി ഉ​ൽ​പന്ന​ങ്ങ​ളു​ടെ മ​ത്സ​ര​ശേ​ഷി ഉ​യ​ർ​ത്തു​ന്ന​ത് ല​ക്ഷ്യ​മി​ട്ടു​ള്ള സം​യോ​ജി​ത വ്യാ​വ​സാ​യി​ക ന​യ​ങ്ങ​ൾ മ​ന്ത്രാ​ല​യം തു​ട​ർ​ച്ച​യാ​യി ന​ട​പ്പി​ലാ​ക്കു​ന്നു​ണ്ടെ​ന്നും അ​ദേ​ഹം പ​റ​ഞ്ഞു.