ന്യൂഡല്ഹി: ബലാത്സംഗക്കേസിൽ നടനും നിര്മ്മാതാവുമായ വിജയ് ബാബുവിന്റെ മുൻകൂർ ജാമ്യം റദ്ദാക്കണമെന്നാവശ്യപ്പെട്ട് യുവനടി സുപ്രീംകോടതിയെ സമീപിച്ചു. വിജയ് ബാബുവിന്റേത് നിയമത്തെ വെല്ലുവിളിക്കുന്ന സമീപനമാണെന്ന് നടി ചൂണ്ടിക്കാട്ടി.
അതേസമയം കഴിഞ്ഞദിവസം കൊച്ചി സൗത്ത് പൊലീസ് വൈകീട്ടോടെ വിജയ് ബാബുവിനെ ഫ്ളാറ്റിലെത്തിച്ച് തെളിവെടുപ്പ് നടത്തിയിരുന്നു. കടവന്ത്രയിലെ ഫ്ളാറ്റിലെത്തിച്ചും നേരത്ത തെളിവെടുത്തിരുന്നു. പീഡനം നടന്ന ദിവസം ഫ്ളാറ്റുകളില് വിജയ് ബാബു എത്തിയിരുന്നുവെന്ന് വ്യക്തമാക്കുന്ന സാക്ഷി മൊഴികള്, സിസിടിവി ദൃശ്യങ്ങള്, ടവര് ലൊക്കേഷന് എന്നിവ അടക്കമുള്ള വിവരങ്ങള് അന്വേഷണ സംഘം ശേഖരിക്കുന്നുണ്ട്.
മൂന്നാം തിയതി വരെ അന്വേഷണസംഘത്തിന് മുന്നില് വിജയ് ബാബു ഹാജരാകണമെന്നാണ് ഹൈക്കോടതിയുടെ നിര്ദേശം. വിജയ് ബാബു കുറ്റക്കാരനാണെതിന്റെ തെളിവുകള് ശേഖരിച്ചതായി നേരത്തെ കൊച്ചി ഡിസിപി സൂചിപ്പിച്ചിരുന്നു.