കൊല്ലം: യുവസംവിധായിക നയന സൂര്യയുടെ മരണത്തിൽ മുൻ ഫൊറൻസിക് സർജന്റെ വെളിപ്പെടുത്തലുകൾ തങ്ങളുടെ സംശയം വർധിപ്പിച്ചതായി കുടുംബം. കേസിൽ പൊലീസ് ആർക്കോ അനുകൂലമായി നിന്നു. നയന ആത്മഹത്യ ചെയ്യില്ലെന്ന് ഉറപ്പുള്ളതായും കുടുംബം മീഡിയവണിനോട് പറഞ്ഞു.
നയന സൂര്യന്റെ മരണം കൊലപാതകമാണെന്ന് ആദ്യം തന്നെ സംശയം തോന്നിയിരുന്നതായി പോസ്റ്റ്മോർട്ടം നടത്തിയ മുൻ ഫൊറൻസിക് സർജൻ കെ.ശശികല കഴിഞ്ഞ ദിവസം വ്യക്തമാക്കിയിരുന്നു. അന്വേഷണ ഉദ്യോഗസ്ഥൻ രേഖപ്പെടുത്തിയ മൊഴിയല്ല പുറത്തു വന്നതെന്നും ശശികല പറഞ്ഞു. ഈ വെളിപ്പെടുത്തലുകൾ നയനയുടെ കുടുംബവും ഗൗരവമായാണ് കാണുന്നത്. നയന ആത്മഹത്യ ചെയ്യില്ലെന്ന തങ്ങളുടെ വാദം ശരിയാണെന്ന് തെളിയുകയാണ്. കേസിൽ പൊലീസ് ആർക്കോ അനുകൂലമായി നിന്നു.
തുടക്കം മുതൽ മരണം ആത്മഹത്യയാണെന്ന നിലയ്ക്കുള്ള പൊലീസിന്റെ സമീപനമാണ് നയനയുടെ കുടുംബത്തെ കേസിൽ നിന്നും പിന്തിരിപ്പിച്ച്. മുഖ്യമന്ത്രിക്ക് പരാതി നൽകിയ സാഹചര്യത്തിൽ നീതി ലഭിക്കുമെന്ന വിശ്വാസത്തിലാണ് ഇവർ.