തിരുവനന്തപുരം: വർഗീയവാദികളുടെ വോട്ട് വേണ്ട എന്ന് സിപിഎമ്മിലെ ആരും പറയുന്നതായി താൻ കേട്ടിട്ടില്ലെന്ന് മന്ത്രി വി.ശിവൻകുട്ടി. എസ്ഡിപിഐ വോട്ട് വാങ്ങുമോ എന്ന ചോദ്യത്തിന് വോട്ടർ പട്ടികയിൽ ആരുടെയും പേര് പ്രത്യേകമായി രേഖപ്പെടുത്തുന്നില്ലല്ലോ എന്നായിരുന്നു മറുപടി. 'മീഡിയവൺ തീപാറും മണ്ഡലത്തിൽ' ആയിരുന്നു ശിവൻകുട്ടിയുടെ പ്രതികരണം.
'വോട്ടർ ലിസ്റ്റിൽ എസ്ഡിപിഐ,ബിജെപി എന്നൊന്നും എഴുതിയിട്ടില്ലാല്ലോ..പേരും വിലാസവും മാത്രമല്ലേ ഉണ്ടാകൂ.വോട്ടേഴ്സ് ലിസ്റ്റിൽ പേരുള്ളവരുടെ എല്ലാ വോട്ടും ഞാൻ വാങ്ങും.വർഗീയവാദികളുടെ വോട്ട് വേണ്ട എന്ന് സിപിഎം പ്രഖ്യാപിച്ചിട്ടുണ്ടോ എന്ന് ഓർമയില്ല' എന്നായിരുന്നു ശിവൻകുട്ടി പറഞ്ഞത്
അതേസമയം,സിപിഎം- എസ്ഡിപിഐ ധാരണയെ പരോക്ഷമായി വിമര്ശിച്ച് എറണാകുളം മഹാരാജാസ് കോളജിനു മുന്നില് എസ്എഫ്ഐയുടെ ബാനര്. 'അഭിമന്യുവിനെ കൊന്ന എസ്ഡിപിഐയോട്,വര്ഗീയതയോട് സന്ധിയില്ല' എന്നാണ് ബാനറിലുള്ളത്.ഇന്നലെ വൈകുന്നേരമാണ് ബാനര് ഉയര്ത്തിയത്.