വെടിനിർത്തൽ ലംഘിച്ച് ആക്രമണം തുടർന്ന് ഇസ്രായേൽ; എല്ലാ അതിർത്തികളും തുറക്കണമെന്ന് യുഎൻ

തെൽ അവീവ്: ഗസ്സയിൽ അന്താരാഷ്ട്ര സുരക്ഷാസേന ഉടൻ എത്തുമെന്ന്​ യു.എസ്​ പ്രസിഡൻറ്​ ​ഡൊണാൾഡ്​ട്രംപ്​.ഇസ്രായേൽ നിയന്ത്രണത്തിലുള്ള യെല്ലോ ലൈനിലെ തുരങ്കങ്ങളിൽ കഴിയുന്ന ഹമാസ്​ പോരാളികളുടെ മോചനവുമായി ബന്ധപ്പെട്ട ചർച്ച തുടരുകയാണ്. ഇന്നലെ, ഒരു ബന്ദിയുടെ മൃതദേഹം കൂടി ഇസ്രായേലിന് കൈമാറി. റഫ ഉൾപ്പടെ ഗസ്സയിലേക്കുള്ള എല്ലാ അതിർത്തികളും ഉടൻ തുറക്കണമെന്ന് യു.എൻ സെക്രട്ടറി ജനറൽ പറഞ്ഞു.

ഹമാസുമായി പ്രശ്നങ്ങളുണ്ടാകുന്ന സാഹചര്യങ്ങളിൽ ഇടപെടുന്നതിനായി ​ഗസ്സയിൽ പുതിയ അന്താരാഷ്ട്ര ഇടക്കാല സേന ഉടൻ എത്തുമെന്ന് ട്രംപ് വ്യക്തമാക്കിയിരുന്നു. ഇടക്കാല സേനയ്ക്ക് രണ്ട് വർഷം ഭരണച്ചുമതല നൽകുന്ന ചർച്ചകൾ യുഎസ് രക്ഷാസമിതിയിൽ ആരംഭിക്കാനിരിക്കെയാണ് ട്രംപിന്റെ പ്രഖ്യാപനം.

ഈ​ജി​പ്ത്, ഖ​ത്ത​ർ, യു.എ.ഇ, സൗ​ദി അ​റേ​ബ്യ, തു​ർ​ക്കി എ​ന്നി​വ​രു​ടെ പി​ന്തു​ണ​യോ​ടെ 20,000 സൈ​നി​ക​രാ​ണ് എ​ത്തു​ക. ഹ​മാ​സി​ന്റെ നി​രാ​യു​ധീ​ക​ര​ണ​വും വിദേശസേനയുടെ ചു​മ​ത​ല​യാ​കും.

വെടിനിർത്തൽ നിലവിൽവന്ന ശേഷം 190ലേറെ ആക്രമണങ്ങളിലായി 240 ഫലസ്തീനികളാണ്​ ഇതിനകം ഗസ്സയിൽ കൊല്ലപ്പെട്ടത്​. ഇസ്രയേൽ സൈന്യം നിലയുറപ്പിച്ച യെല്ലോ ലൈനിലെ തുരങ്കങ്ങളിൽ കഴിയുന്ന 150ലേറെ വരുന്ന പോരാളികളുടെ സുരക്ഷിത മോചനം സംബന്ധിച്ച ചർച്ച തുടരുന്നതായി മധ്യസ്ഥ രാജ്യങ്ങൾ അറിയിച്ചു. ആയുധങ്ങൾ ഉപേക്ഷിച്ചാൽ ഇവർക്ക്​ സുരക്ഷിത പാത ഒരുക്കാം എന്ന നിർദേശത്തിൽ ഊന്നിയാണ്​ ചർച്ച. എന്നാൽ തുരങ്കങ്ങൾ തകർത്ത്​ ഹമാസിനെ നിരായുധീകരിക്കും വരെ ആക്രമണം തുടരുമെന്ന്​ ഇസ്രയേൽ പ്രതിരോധ മന്ത്രി ഇസ്രയേൽ കാറ്റ്​സ്​ ഭീഷണി മുഴക്കി.

കഴിഞ്ഞ ദിവസം, പുതുതായി കണ്ടെടുത്ത ഒരു ബന്ദിയുടെ മൃതദേഹം കൂടി ഫലസ്തീൻപേരാളികൾ​ ഇസ്രയേലിന്​ കൈമാറി. ഇസ്​ലാമിക്​ ജിഹാദാണ്​ മൃതദേഹം റെഡ്​ക്രോസ്​ സംഘം മുഖേന ഇസ്രയേലിന്​ കൈമാറിയത്​. ഇനി 5 മൃതദേഹങ്ങൾ കൂടിയാണ് ​കൈമാറാനുള്ളത്​. റഫ ഉൾപ്പെടെ മുഴുവൻ അതിർത്തികളും തുറന്ന്​ ഗസ്സയിലേക്ക്​ ഉദാരമായ സഹായം ലഭ്യമാക്കിയില്ലെങ്കിൽ പട്ടിണിയും ദുരിതവും സങ്കീർണമാകുമെന്ന്​ യുഎൻ ​​സെക്രട്ടറി ജനറൽ ആൻറണി​യോ ഗുട്ടറസ്​ പറഞ്ഞു.

അതിനിടെ, അ​ബ്ര​ഹാം ഉ​ട​മ്പ​ടി​യി​ലേ​ക്ക് ക​സാ​ഖ്സ്താ​നും സന്നദ്ധത അറിയിച്ചത്​ നേട്ടമാണെന്ന് ട്രംപ്​ പറഞ്ഞു. ഇ​സ്രാ​യേ​ലും അ​റ​ബ്, മു​സ്‍ലിം ഭൂ​രി​പ​ക്ഷ രാ​ജ്യ​ങ്ങ​ളും ത​മ്മി​ൽ ന​യ​ത​ന്ത്ര​ബ​ന്ധം സ്ഥാ​പി​ക്കു​ന്ന​തി​നു​ള്ള ഉ​ട​മ്പ​ടി​യി​ൽ ബ​ഹ്റൈ​ൻ, മൊ​റോ​ക്കോ, സു​ഡാ​ൻ, യു.എ​ഇ എ​ന്നീ രാ​ജ്യ​ങ്ങ​ൾ നേ​ര​ത്തെ ചേ​ർ​ന്നി​രു​ന്നു. 1992 മു​ത​ൽ ത​ന്നെ ക​സാ​ഖ്സ്താ​ന് ഇ​സ്രാ​യേ​ലു​മാ​യി ന​യ​ത​ന്ത്ര​ബ​ന്ധ​മു​ള്ള​ രാജ്യം കൂടിയാണ്​.