ഇന്ത്യക്കാരെ തടയാൻ അമേരിക്കയിൽ പുതിയ വിദ്വേഷ പ്രചാരണം; എന്താണ് 'ക്ലോഗ് ദി ടോയ്‌ലറ്റ്' ക്യാമ്പയിൻ?

വാഷിംഗ്‌ടൺ: എച്ച്1-ബി വിസ അപേക്ഷകൾക്ക് യുഎസ് പ്രസിഡന്റ് ഒരു ലക്ഷം ഡോളർ ഫീസ് ചുമത്തിയതിന് ഒരാഴ്ചക്ക് ശേഷം അമേരിക്കയിലെ തീവ്ര വലതുപക്ഷ മാഗ ബേസ് ഇന്ത്യൻ പ്രൊഫഷണലുകൾക്കെതിരെ 'Clog The Toilet' (ടോയ്‌ലറ്റ് അടക്കുക) എന്ന പേരിൽ ഒരു പുതിയ വിദ്വേഷ പ്രചാരണം ആരംഭിച്ചു.

എന്താണ് 'ക്ലോഗ് ദി ടോയ്‌ലറ്റ്' ക്യാമ്പയിൻ?

ട്രംപിന്റെ എച്ച്1-ബി വിസ ഫീസ് വർധനക്ക് ശേഷം ഇന്ത്യൻ തൊഴിലാളികൾ യുഎസിലേക്ക് മടങ്ങുന്നത് തടയുന്നതിനായി ഫ്ലൈറ്റ് ബുക്കിംഗുകൾ ഓവർലോഡ് ചെയ്യുന്നതിനായി തീവ്ര വലതുപക്ഷ ഉപയോക്താക്കൾ ആരംഭിച്ച ഒരു ഏകോപിത ക്യാമ്പയിനാണ് 'ക്ലോഗ് ദി ടോയ്‌ലറ്റ്'.

ഈ ക്യാമ്പയിൻ എങ്ങനെയാണ് പ്രവർത്തിക്കുന്നത്?

ജനപ്രിയ ഇന്ത്യ-യുഎസ് വിമാനങ്ങളിൽ താൽക്കാലികമായി സീറ്റുകൾ തടഞ്ഞുവച്ച് ഇന്ത്യൻ എച്ച്-1ബി വിസ ഉടമകൾ യുഎസിലേക്ക് മടങ്ങുന്നത് തടയുക എന്നതാണ് ഈ ക്യാമ്പയിനിന്റെ പ്രധാന ലക്ഷ്യം. ന്യൂയോർക്ക്, ന്യൂവാർക്ക്, ഡാളസ് തുടങ്ങിയ നഗരങ്ങളിലെ തിരക്കേറിയ റൂട്ടുകളിലെ വിമാനങ്ങളിലെ ട്രോളുകൾ അന്വേഷിക്കുകയും സീറ്റുകൾ ബുക്ക് ചെയ്തുകൊണ്ട് ചെക്ക്ഔട്ട് പ്രക്രിയ ആരംഭിക്കുകയും ചെയ്യും. ഫ്ലൈറ്റ് ബുക്കിംഗ് സംവിധാനത്തിലെ ഈ പഴുതുകൾ താൽക്കാലികമായി സീറ്റുകൾ ബ്ലോക്ക് ചെയ്യാനും യഥാർത്ഥ യാത്രക്കാർക്ക് സീറ്റുകൾ ലഭ്യമാകാതിരിക്കാനും അനുവദിക്കുന്നു.

ആരാണ് 'ക്ലോഗ് ദി ടോയ്‌ലറ്റ്' ക്യാമ്പയിനിന് പിന്നിൽ?

'ക്ലോഗ് ദി ടോയ്‌ലറ്റ്' ക്യാമ്പയിനിന്റെ കൃത്യമായ ഉത്ഭവം ഒരു രഹസ്യമായി തുടരുന്നുവെങ്കിലും അജ്ഞാത ഇമേജ്ബോർഡ് വെബ്സൈറ്റ് 4chan ത്രെഡിലാണ് ആദ്യമായി പ്രത്യക്ഷപ്പെട്ടത്. പിന്നീട് ട്രംപ് MAGA പിന്തുണക്കാർ ടെലിഗ്രാമിലൂടെയും മറ്റ് സോഷ്യൽ മീഡിയ പ്ലാറ്റ്‌ഫോമുകളിലൂടെയും ഇത് പ്രചരിപ്പിച്ചു. 

കുടിയേറ്റം തടയുന്നതിനുള്ള ശ്രമങ്ങൾ ഭരണകൂടം ശക്തമാക്കുന്നതിനിടെ എച്ച്-1ബി വിസ ഫീസ് വർധിപ്പിക്കാനുള്ള ട്രംപിന്റെ നീക്കത്തെ 'അമേരിക്ക ഫസ്റ്റ്' നയത്തിന്റെ ഒരു വിപുലീകരണമായാണ് കാണുന്നത്. ചെലവേറിയ എച്ച്-1ബി വിസകൾ യുഎസ് കമ്പനികളെ വിദേശ തൊഴിലാളികളുടെ എണ്ണം കുറക്കാൻ നിർബന്ധിതരാക്കുകയും ഉയർന്ന ശമ്പളത്തിന് യുഎസ് പൗരന്മാരെ നിയമിക്കാൻ നിർബന്ധിതരാക്കുകയും ചെയ്യുമെന്നും ഇത് പ്രവർത്തനച്ചെലവ് വർധിപ്പിക്കുമെന്നും വിദഗ്ദ്ധർ വിശ്വസിക്കുന്നു.