സ്കൂൾ ഹോസ്റ്റലിൽ സഹപാഠികളെ ഇരുമ്പുവടികൊണ്ട് മർദിച്ച് വിദ്യാർഥി; ഒരാൾ മരിച്ചു, നിരവധിപേർക്ക് പരിക്ക്

ബെംഗളൂരു: കർണാടകയിലെ ബല്ലാരിയിൽ ഗുരുകുല റസിഡൻഷ്യൽ സ്കൂളിലെ ഹോസ്റ്റലിൽ സഹപാഠികളെ വിദ്യാർഥി ഇരുമ്പുവടികൊണ്ട് ആക്രമിച്ച് ഒരു മരണം. പരിക്കേറ്റവരിൽ രണ്ടുപേരുടെ നില അതീവ ഗുരുതരം.

രാത്രി ഭക്ഷണത്തിന് ശേഷം സ്കൂൾ ഹോസ്റ്റലിൽ കുട്ടികൾ ഉറങ്ങിക്കിടക്കുമ്പോഴാണ് വിദ്യാർഥികളിൽ ഒരാൾ ഇരുമ്പ് വടി എടുത്ത് ആക്രമണം നടത്തിയത്. ആന്ധ്രാപ്രദേശിലെ വിജയനഗറിൽ നിന്നുള്ള കുട്ടിയാണ് കൊല്ലപ്പെട്ടത്. ആറ് വിദ്യാർഥികൾ ചികിത്സയിലാണ്. ഹോസ്റ്റൽ വാർഡനെയും ഡ്രൈവറെയും ആക്രമിച്ച ശേഷം പ്രതി ഓടി രക്ഷപ്പെട്ടു. സംഭവത്തിൽ പൊലീസ് അന്വേഷണം ആരംഭിച്ചു.