തലസ്ഥാനം ആര്‍ക്കൊപ്പം?; ആദ്യ ഫലസൂചനകള്‍ ബിജെപിക്കൊപ്പം

ഡൽഹി: ഡല്‍ഹി നിയമസഭാ തെരഞ്ഞെടുപ്പിന്‍റെ വോട്ടെണ്ണല്‍ തുടങ്ങി. പോസ്റ്റല്‍ വോട്ടുകളാണ് എണ്ണിക്കൊണ്ടിരിക്കുന്നത്. പത്ത് സീറ്റുകളില്‍ ബിജെപിയാണ് ലീഡ് ചെയ്യുന്നത്. ആം ആദ്മി 4 സീറ്റുകളിലും മുന്നിലാണ്. പോസ്റ്റല്‍ വോട്ടില്‍ കോണ്‍ഗ്രസിന് ഒരിടത്തും അക്കൗണ്ട് തുറക്കാന്‍ സാധിച്ചിട്ടില്ല.

70 മണ്ഡലങ്ങളിലേക്ക് നടന്ന തെരഞ്ഞെടുപ്പിൽ രാവിലെ എട്ടുമുതലാണ് വോട്ടെണ്ണൽ. 11 കൗണ്ടിംഗ് സ്റ്റേഷനുകളാണ് ക്രമീകരിച്ചിരിക്കുന്നത്. ആദ്യം പോസ്റ്റൽ ബാലറ്റുകൾ എണ്ണിയ ശേഷം വോട്ടിംഗ് മെഷീനിലേക്ക് കടക്കും. 8:30 ഓടെ ആദ്യഫലസൂചനകൾ ലഭിക്കും. പുറത്തുവന്ന എക്സിറ്റ് പോളുകളിൽ ഭൂരിഭാഗവും ബിജെപി അധികാരത്തിലേറുമെന്നാണ് പ്രവചനം.