ഉത്തരാഖണ്ഡില് കാര് കൊക്കയിലേക്ക് മറിഞ്ഞ് എട്ട് മരണം
300 അടി താഴ്ചയിലേക്കാണ് കാർ മറിഞ്ഞത്
- Published:
23 April 2026 5:15 PM IST
ഡെറാഡൂണ്: ഉത്തരാഖണ്ഡില് കാര് കൊക്കയിലേക്ക് മറിഞ്ഞുണ്ടായ അപകടത്തില് എട്ടുപേര് മരിച്ചു. തെഹ്രി ഗര്വാള് ജില്ലയിലെ ചമ്പ ബ്ലോക്കിലാണ് അപകടമുണ്ടായത്. 300 അടി താഴ്ചയിലേക്കാണ് കാര് മറിഞ്ഞത്.
പരിക്കേറ്റവരെ ഉടന് തന്നെ തൊട്ടടുത്തുള്ള ആശുപത്രിയില് എത്തിച്ചതായാണ് വിവരം. അവര് അപകടനില തരണം ചെയ്തതായി ഡോക്ടര്മാര് അറിയിച്ചു. എസ്ഡിആര്എഫ്, പൊലീസ്, ആരോഗ്യവകുപ്പ് എന്നിവരുടെ നേതൃത്വത്തില് യുദ്ധകാലാടിസ്ഥാനത്തിലാണ് രക്ഷാപ്രവര്ത്തനം നടന്നത്. കാറിലുണ്ടായിരുന്നവരെയെല്ലാം പുറത്തെടുത്തെന്നും രക്ഷാപ്രവര്ത്തനം അവസാനിപ്പിച്ചതായും പൊലീസ് അറിയിച്ചു.
ജില്ല മജിസ്ട്രേറ്റ് നിതിക ഖണ്ഡേല്വാള്, എംഎല്എ കിഷോര് ഉപാധ്യായ തുടങ്ങിയവര് സംഭവസ്ഥലം സന്ദര്ശിച്ച് സ്ഥിതിഗതികള് വിലയിരുത്തി. ഉത്തരാഖണ്ഡ് മുഖ്യമന്ത്രി പുഷ്കര് സിങ് ധാമി സംഭവത്തില് അനുശോചനം രേഖപ്പെടുത്തുകയും പരിക്കേറ്റവര്ക്ക് ആവശ്യമായ ചികിത്സ ഉറപ്പാക്കാന് നിര്ദേശം നല്കുകയും ചെയ്തിട്ടുണ്ട്.
Adjust Story Font
16