പൊട്ടിത്തെറി ഒഴിവാക്കാനാകാതെ മമത; യൂസഫ് പത്താൻ അടക്കമുള്ള കൂടുതൽ നേതാക്കൾ പാർട്ടി വിട്ടേക്കും

കൊൽക്കത്ത: തൃണമൂൽ കോൺഗ്രസിലെ പൊട്ടിത്തെറി ഒഴിവാക്കാനാകാതെ മമത ബാനർജി. കൊൽക്കത്തയിൽ വിളിച്ചു ചേർത്ത യോഗത്തിൽ പങ്കെടുത്ത യൂസഫ് പത്താൻ അടക്കമുള്ള കൂടുതൽ നേതാക്കൾ പാർട്ടി വിട്ടേക്കും.

വിമത പക്ഷത്തേക്ക് ചേക്കേറിയ എംപിമാർ ഡൽഹിയിൽ തുടരുകയാണ്. അഭിഷേക് ബാനർജിയുടെ നേതൃത്വത്തിൽ വിമത എംപിമാരുമായി ചർച്ചയ്ക്ക് ശ്രമം നടന്നെങ്കിലും രണ്ടുതവണയും പരാജയപ്പെട്ടു. പാർട്ടിയിലെ പ്രതിസന്ധിക്കിടെ മമതാ ബാനർജി സോണിയ ഗാന്ധിയുമായി കൂടിക്കാഴ്ച നടത്തി. ഇൻഡ്യ മുന്നണിയിലെ വിവിധ കക്ഷികളുടെ ഏകോപനത്തെക്കുറിച്ച് സോണിയയുടെ വസതിയിൽ ഒരു മണിക്കൂറോളം നീണ്ട ചര്‍ച്ച നടത്തിയെന്ന് വൃത്തങ്ങൾ പറയുന്നു. അഞ്ച് വർഷത്തെ ഇടവേളയ്ക്ക് ശേഷം ഇരു നേതാക്കളും തമ്മിലുള്ള ആദ്യ കൂടിക്കാഴ്ചയായിരുന്നു ഇത്.2021 ൽ, പശ്ചിമ ബംഗാളിൽ തുടർച്ചയായ മൂന്നാം തവണയും അധികാരത്തിലെത്തിയ ശേഷം ബാനർജി ഗാന്ധിയെ കാണാൻ എത്തിയിരുന്നു. ടിഎംസിയുടെ രാജ്യസഭാ കക്ഷി നേതാവ് ഡെറിക് ഒബ്രയാനും ബാനർജിയോടൊപ്പം യോഗത്തിൽ പങ്കെടുത്തു.

അതേസമയം 20 പേർ ഒപ്പിട്ടെന്ന് കകോലി ഘോഷ് അവകാശപ്പെടുന്ന കത്ത് പുറത്തുവിടാൻ മമത പക്ഷം വെല്ലുവിളിക്കുന്നും. വിമത എംപിമാർ ലോക്സഭാ സ്പീക്കറെ നേരിട്ട് കാണാനുള്ള നീക്കത്തിലാണ്. എംപിമാരിൽ 16 പേരുണ്ടെന്ന വിലയിരുത്തലിലാണ് ടിഎംസി. കൂറുമാറ്റ നിരോധന ഭീഷണി മറികടക്കാനുള്ള എംപിമാർ വിമതർക്കൊപ്പമില്ലെന്ന് തൃണമൂൽ പറയുന്നു. 20 എംപിമാരില്ലാതെ മൂന്നിഷ രണ്ട് ഭൂരിപക്ഷം തികയ്ക്കാനാവില്ല. 12 ലോക്സഭാ അംഗങ്ങൾ മമതയ്ക്ക് ഒപ്പമെന്നാണ് വിലയിരുത്തൽ.

പശ്ചിമ ബംഗാളിൽ, ശോഭാബ്ദേബ് ചതോപാധ്യായയെ പ്രതിപക്ഷ നേതാവായി തിരഞ്ഞെടുത്തതിന് അനുകൂലമായി ടിഎംസി എംഎൽഎമാർ വ്യാജ ഒപ്പുകൾ ചേർത്തുവെന്ന ആരോപണത്തെത്തുടർന്ന് പാർട്ടിക്കുള്ളിൽ കലാപത്തിന് കാരണമായ സംഭവത്തിൽ അന്വേഷണത്തിന്റെ ഭാഗമായി, കാളിഘട്ടിലെ ടിഎംസി കേന്ദ്ര ഓഫീസിലും കാമാക് സ്ട്രീറ്റിലെ അഭിഷേക് ബാനർജിയുടെ ഓഫീസിലും സിഐഡിയുടെ രണ്ട് സംഘങ്ങൾ റെയ്ഡ് നടത്തി.

മെയ് ആറിന് മുൻ മുഖ്യമന്ത്രിയുടെ വസതിയോട് ചേർന്നുള്ള പാർട്ടി ഓഫീസിൽ നടന്ന യോഗത്തിൽ പങ്കെടുത്ത 70 എംഎൽഎമാരുടെ ഒപ്പുകൾ അടങ്ങിയ ടിഎംസിയുടെ മീറ്റിംഗ് റെസല്യൂഷൻ ബുക്കിന്റെയും ഹാജർ ഷീറ്റിന്റെയും യഥാർഥ പകർപ്പ് പിടിച്ചെടുക്കുന്നതിനായാണ് റെയ്ഡ് നടത്തിയതെന്ന് ഉദ്യോഗസ്ഥർ പിടിഐയോട് പറഞ്ഞു.