പ്രധാനമന്ത്രിയെ വധിക്കുമെന്ന് എൻ.ഐ.എ ഓഫീസിൽ അജ്ഞാത ഫോൺ സന്ദേശം

ചെന്നൈ: പ്രധാനമന്ത്രി നരേന്ദ്ര മോദിയെ വധിക്കുമെന്ന് അജ്ഞാത ഫോൺ സന്ദേശം. ചെന്നൈയിലെ എൻ.ഐ.എ ഓഫീസിലാണ് അജ്ഞാത സന്ദേശം ലഭിച്ചത്. സംഭവത്തിൽ ചെന്നൈ പൊലീസിന്റെ സൈബർ ക്രൈം വിഭാഗം അന്വേഷണം തുടങ്ങി.

ബുധനാഴ്ച രാത്രി 9.30നാണ് പുരസവാക്കത്തെ എൻ.ഐ.എ ഓഫീസിൽ ഹിന്ദിയിലുള്ള അജ്ഞാത ഫോൺ സന്ദേശമെത്തിയത്. പ്രാഥമിക അന്വേഷണത്തിൽ ഫോൺ സന്ദേശം മധ്യപ്രദേശിൽനിന്നാണെന്ന് കണ്ടെത്തിയിട്ടുണ്ട്. സൈബർ സെല്ലും എൻ.ഐ.എയും സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്.