കോഴിക്കോട് ലോ കോളജിൽ കെ.എസ്.യു പ്രവർത്തകനെ എസ്.എഫ്.ഐ പ്രവർത്തകർ മർദിച്ചതായി പരാതി
രണ്ടാം വർഷ വിദ്യാർഥി സഞ്ജയ് ജസ്റ്റിനാണ് മർദനമേറ്റത്. നേരത്തേയുണ്ടായ സംഘർഷത്തിന്റെ തുടർച്ചയാണ് മർദനം
കോഴിക്കോട്: കോഴക്കോട് ഗവര്‍ണ്‍മെന്‍റ് ലോ കോളേജിൽ കെ.എസ്.യു പ്രവർത്തകനെ എസ്.എഫ്.ഐ പ്രവർത്തകർ മർദിച്ചതായി പരാതി. രണ്ടാം വർഷ വിദ്യാർഥി സഞ്ജയ് ജസ്റ്റിനാണ് മർദനമേറ്റത്. നേരത്തേയുണ്ടായ സംഘർഷത്തിന്റെ തുടർച്ചയാണ് മർദനം. യൂണിയൻ തെരഞ്ഞെടുപ്പുമായി ബന്ധപ്പെട്ട് ദിവസങ്ങൾക്കുമുമ്പ് ലേ കോളേജിൽ കെ.എസ്.യു- എസ്.എഫ്.ഐ സംഘർഷമുണ്ടായിരുന്നു. ഇതിന്റെ തുടർച്ചയാണ് ഇപ്പോഴത്തെ മർദനം.
ഇത്തവണത്തെ യൂണിയൻ തെരഞ്ഞെടുപ്പിൽ കെ.എസ്.യു വൻനേട്ടമുണ്ടാക്കിയിരുന്നു. ഇതിൽ പ്രകോപിതരായാണ് എസ്.എഫ്.ഐ പ്രവർത്തകർ എസ്.എഫ്.ഐ പ്രവർത്തകർ സംഘടിതമായെത്തി ആക്രമിച്ചതെന്നാണ് പരാതി. ഇന്ന് എസ്.എഫ്.ഐയുടെ വിദ്യാഭ്യാസ ബന്ധ് ആയതിനാൽ ക്യാമ്പസിൽ വിദ്യാർഥികൾ കുറവായിരുന്നു.
ഈ സമയം ഇവിടേക്കെത്തിയ കെ.എസ്.യു പ്രവർത്തകനും രണ്ടാം വർഷ വിദ്യാർഥിയുമായ സഞ്ജയ് ജസ്റ്റിനെ ഒരുകൂട്ടം എസ്.എഫ്.ഐ പ്രവർത്തകർ വളഞ്ഞിട്ട് മർദിക്കുകയായിരുന്നു. ബഹളം കേട്ട് ഹോസ്റ്റലിൽ നിന്നും കൂടുതൽ വിദ്യാർഥികളെത്തിയതോടെയാണ് ഇദ്ദേഹത്തെ ആശുപത്രിയിലേക്ക് മാറ്റിയത്. സംഭവത്തിൽ പൊലീസിൽ പരാതി നൽകുമെന്ന് കെ.എസ്.യു അറിയിച്ചിട്ടുണ്ട്.
Adjust Story Font
16
